Кожобек Рыспаев: "Унаам тоголонуп баратканда, бир кыз унаага урунуп каза болгон". Депутат 20 жыл мурун кабылган жол кырсыгынын чоо-жайын айтты

Депутат Кожобек Рыспаев 1999-жылы кабылган жол кырсыгынын чоо-жайын айтты. Бул тууралуу КСДП фракциясынын катчылыгы жарыялады.

"Элита киши өлтүргүч" деп интернет булактарынан чыгып жатпайбы. Аны көрүп мени Ооган согушунда бирөөлөрдү аткан деп айтып жатышат го деп ойлогом. 1999-жылы жол кырсыгына учурагам. Бул чын. Ошол убакта унаамды Рыспек Акматбаевдин инисинен сатып алгам. Спорт ордосундагы бассейнге барып сүзчүмүн. Кечинде үйүмө кетип баратканда, капталыман бир унаа качырып келип урган. Унаам жолдун четине чыгып, ылдыйды көздөй тоголонуп кеткен. Ошондо бактын арасындагы эки-үч кыздын бирөөсү автоунаага урунуп каза болуп калган. Өзүм да аябай жаракат алгам. Ошол заматта Сокулук РИИБинин кызматкерлери келип текшеришкен. Тергөө амалдары жүргөн.

Кыздын апасы мен тааныган адам экен, ага барып алдынан өттүк. Мындай абалда апасына үйрөткөндөр көп болот экен. Ал "кызым Кожобек Жайчибековичтин унаасына урунуп каза болду" деп көп жерге арыз менен кайрылды. Сот 50 миң сом моралдык чыгым төлөп берүүгө милдеттендирген. Тергөөнүн алкагында техникалык экспертиза жүрүп, менин унаам түртүлгөнү далилденип, кылмыштын белгилери жок деп табылып, иш жабылган. Бирок кыздын апасы кайра арыз жазып, экинчи жолу да кылмыштын белгилери жок болгону үчүн иш кыскарып, ошол бойдон калган. Кийин кыздын апасы баарын түшүнүп, доом жок деп тил кат жазып берген. Мындай кырсыкты эч кимге каалабайм", - дейт Рыспаев.

Ошону менен катар эле депутат анын унаасын сүзгөн адам табылбаганын айтты.

Буга чейин социалдык тармактарда Кожобек Рыспаев 20 жыл мурун бир кызды унаасы менен сүзүп, кыз каза болгон деп жазылган.

Автор: Жылдыз Джускембаева

18:02 06-09-2019

Жазылуу

РУБРИКАДАГЫ СОҢКУ КАБАРЛАР

22:06 2025-07-22 | Коом жана турмуш

Садыр Жапаров Монголиянын президенти менен бирге "Мейкин Азия" музыкалык фестивалын көрүүдө 3 0

21:42 2025-07-22 | Коом жана турмуш

"Ушуга макулсуңбу?" Ташиев Масы айыл өкмөтүнүн башчысынан аны текшертүүгө уруксат алды (видео) 255 0

21:24 2025-07-22 | Кылмыштар, кырсыктар

Сокулукта жер тилкелерин мыйзамсыз сатууга шектелип 34 жаштагы киши кармалды 204 0

21:03 2025-07-22 | Коом жана турмуш

"Ким уруксат берген?" Ташиевди Ноокенге барганда акимдин жоктугу ачууландырды (видео) 852 0

20:18 2025-07-22 | Коом жана турмуш

"Кадрларды өзүңөр тандагыла". Ташиев депутат Айбек Алтынбеков тууралуу маалыматтар бар экенин айтты (видео) 1005 0

20:02 2025-07-22 | Коом жана турмуш

Айланып сууну чачсамбы?.. Ошто көчөлөр күн сайын жуулуп жатат (видео) 596 0

Архив

Комментарийлер (7)

Avrora2017

2019-09-06 18:49:39

Кутулуп кетиптирсинда убагында, конешна соттор силерге тартаганда кимге тартат эле ал болуп турган иш

Aikaaaa

2019-09-06 20:03:53

Капталга сүзгөн машина табылбай калса, анда калп экен да, эптеп шылтоо тапмай да

ilgizk

2019-09-06 22:03:39

Бул элита өзүнөн башка адамдар акылсыз алдасам боло берет деп ойлойт окшойт,
Ошол 1999 - жылы машиналар деле азыркыдай көп болбосо керек эле таппай калгыдай...

Begimay.emir1

2019-09-07 04:40:09

Жон Эле машинама урунуп дейт ко, машинанын тоголонуп келе жатканын байкабаптырбы? Машина эмне топ беле. Чон эле темир калдырап келе жатса качатта. Уруп эле кетсе керек

TIMON_BERKOWITZ

2019-09-07 07:32:25

Неси болсо да Кудайдын сотуна жетесиңер жакында. Буйрук болсо Алладан, болбосо пешенеңден.

anonymous

2019-09-07 09:34:58

Кино тартса болчудай даяр сенарий

-1

тилек

2019-09-07 11:04:17

сиздин машинанызга кыз урунуп алдыбы ? же сиздин машинаныз кызга урунуп алдыбы? просто соз жок......

Комментарий калтыруу үчүн өз ысымыңыз менен кириңиз же каттоодон өтүңүз.