Парламент комитетинде билим берүү министри кызматына Каныбек Исаковдун талапкерлиги каралып жатат

Парламент комитетинде билим берүү министри кызматына Каныбек Исаковдун талапкерлиги каралып жатат. Анын талапкерлигин вице-премьер-министр Алтынай Өмүрбекова тааныштырды.

Каныбек Исаковдун талапкерлигин өкмөт башчы Мухаммедкалый Абылгазиев сунуштады. Депутат Алмазбек Токторов бул кызматка Исаковду мамлекеттин жетекчилиги сунуштап жаткандан кийин ишти алып кетет деп ишене турганын айтты. Депутат Жанар Акаев бул жолу өкмөт татыктуу кадрды алып келгенин кошумчалады.

4-сентябрда мурдагы министр Гүлмира Кудайбердиева кызматынан бошотулган. Акыркы учурда билим берүү жана илим министрлигине жана анын жетекчилигине карата коомчулук тарабынан сындар күчөгөн эле. Жакында эле Нарын облусундагы контейнер мектептин ачылыш аземи социалдык тармактарда талкууга алынган.

Автор: Жылдыз Джускембаева
Фото: Жылдыз Джускембаева