Депутат билим берүү министр кызматына талапкерге: "Мектептеги ата-энелер фондун жоюу боюнча сизден мыйзам долбоорун күтөбүз"

Депутат Дастан Бекешев билим берүү жана илим министр кызматына талапкер Каныбек Исаковдон мектептеги ата-энелер фондуна карата көз карашы кандай экенин сурады.

Каныбек Исаков бул маселе боюнча көптөн бери ойлонуп жүргөнүн айтты. "Мамлекетте мүмкүнчүлүк болсо фонддорду жойсо болот. Ачык-айкындуулукту камсыз кылыш керек. Ата-эне баласы үчүн берген акчанын эсебин билиш керек", - деди Исаков.

Дастан Бекешев ата-энелер фондун жоюу боюнча мыйзам долбоорун күтүшө турганын билдирди.

Учурда Жогорку Кеңеште билим берүү жана илим министр кызматына Каныбек Исаковдун талапкерлиги каралып жатат.

Автор: Жылдыз Джускембаева