Токон Мамытов: "Кой-Ташта жабыркадым деген адамдардын саны күндөн-күнгө көбөйүүдө"

Кой-Таштагы окуяларга байланыштуу акыйкатчы Токон Мамытов Бишкектеги №1-тергөө абагында жаткан Фарид Ниязов жана дагы үч адам менен жолугуп, ал-абалын билип кайтты. Жолугушууда алар акыйкатчыга жашоо шарт боюнча арызданышкан эмес, бирок өздөрүнүн ак экенин айтышкан.

Бул тууралуу Мамытов SUPER.KG порталына айтып, түшүндүрмө берди. Анын айтымында, Кой-Ташта жабыркадым деп кайрылган адамдардын саны күндөн-күнгө көбөйүүдө. Мындан улам жабыркагандар боюнча комиссиялык топ түзүлүп, алар учурда окуяны иликтеп, жыйынтык чыгаруу иштери менен алек болушууда.

"Алгач алар менен жолукканда комиссиялык топ менен тааныштырдым. Анткени комиссиялык топ алардын Кой-Ташка байланыштуу арыз муңун угат. 7-8-августтагы окуяга эмне себеп болду, мурдагы президенттин штабына элдин топтолушу, Атамбаевдин суракка чакыртылып бирок барбагандыгы, ал жердеги элдин жабыркагандыгы айтылды. Ушул фактыларды дагы комиссия карайт.

Мындан тышкары, кармалгандардын айрымдары бизге тигиндей же мындай мамиле болуп жатат дешсе, кээ бирлери эмне үчүн Акыйкатчы институту көңүл бурбайт, куралым бар, баарын атып салам десе дагы силер унчукпай отургансыңар деген дагы күнөөлөр болду. Мына ошон үчүн комиссия түзүп, ушулардын баарын ийне жибине чейин иликтеп, сол жакка дагы, оң жакка дагы тартпай, болгонун болгондой коомчулукка айтып беребиз", - деди акыйкатчы.

Бирок комиссиялык топтун жыйынтыгы жакын арада чыкпайт. Анткени арыз айткан адамдардын саны арбып, жыйынтык чыгаруу уламдан-улам татаалдашууда. Бул тууралуу Мамытов төмөнкүлөргө токтолду.

"Биз ушул айдын аягында жыйынтык чыгат деп ойлодук эле. Бирок кайрылуулардын көп болгонуна байланыштуу жыйынтык чыгаруу татаалдашууда. Кой-Таштыктар менен жолугуп, ушуну менен бүтөбүз десек дагы уланып калып жатат. Тилекке каршы, бул жумуш октябрь айына чейин созулчудай", - деди ал.

Автор: Гүлшат Ысамамат кызы

13:36 13-09-2019

Жазылуу

РУБРИКАДАГЫ СОҢКУ КАБАРЛАР

22:06 2025-07-22 | Коом жана турмуш

Садыр Жапаров Монголиянын президенти менен бирге "Мейкин Азия" музыкалык фестивалын көрүүдө 3 0

21:42 2025-07-22 | Коом жана турмуш

"Ушуга макулсуңбу?" Ташиев Масы айыл өкмөтүнүн башчысынан аны текшертүүгө уруксат алды (видео) 255 0

21:24 2025-07-22 | Кылмыштар, кырсыктар

Сокулукта жер тилкелерин мыйзамсыз сатууга шектелип 34 жаштагы киши кармалды 204 0

21:03 2025-07-22 | Коом жана турмуш

"Ким уруксат берген?" Ташиевди Ноокенге барганда акимдин жоктугу ачууландырды (видео) 852 0

20:18 2025-07-22 | Коом жана турмуш

"Кадрларды өзүңөр тандагыла". Ташиев депутат Айбек Алтынбеков тууралуу маалыматтар бар экенин айтты (видео) 1005 0

20:02 2025-07-22 | Коом жана турмуш

Айланып сууну чачсамбы?.. Ошто көчөлөр күн сайын жуулуп жатат (видео) 596 0

Архив

Комментарийлер (9)

Ernestinio

2019-09-13 14:25:18

жабыркабаса деле жабырккадым деп, корсотмо берип аткандыр да бир ай откондон кийин, башка жерде жабыркаса деле, 7-8 де Койташ окуясында жабыркадым деп, компенсация берилип калар деп

Kamchybek-007

2019-09-13 14:41:54

Ernestinio,туура айтасын Атамбаев берген акчалары түгөнгөн окшойт чамасы

Absamat-90

2019-09-13 14:25:28

Кой Ташка буканын этин жегендер барган. Аларды акча жалдап чакырганы бештен белгилуу. Мени тан калтырганы Атамбаевдин туулаган кунуно арналып отчу концерт болууда. Адам олтурдук деп майрамдашабы акмактар. Жок дегенде каза болгон спецназдын кыркылыгы откучо кысып тургула да.Эгер ошол К.Жолдубаева уюштурган концертке ырчылар барса алардын КР территориясында ырдоосуна тыю салуу керек. Маданият минстри каякты карап отурат.

Jaznura

2019-09-13 14:25:48

Кой Ташка бекерпоздор буканын этин жеш үчүн барды эмне Атамбаевди колдоп барды дейсиңерби

Qwer007

2019-09-13 14:40:34

Чыныгы акыйкатчы болсон, Жапаровдон, Текебаев айткандай эл тааныбаган ак жеринен отурган карапайым адамдардан кабар албайсынбы

Jacob.

2019-09-13 14:44:27

Т.Мамытов эшектин тушоосун дагы чече албайт деп оо илгери М.Мырзакматов айткан эле.

toktor89

2019-09-13 14:58:32

Мелочтор десе

Dembele84

2019-09-13 15:19:41

Атамбаев жок эт тугонуп эми окмотко карай жол тарткан турбайбы кой таштыктар,дагы бир нерсе ондуруп калайын деп.
Мына Мамытов деген эптеп эле илешип журот,жон койсо жаны жылда деле териштирип атабыз деп журо берет.

Bektur2011

2019-09-13 16:02:40

Ошол адамдар Атамбаевдин айынан ушундай даражага жетип олтурушат мыйзам чегинде жазаларын алышын талап кылам.

-3

Комментарий калтыруу үчүн өз ысымыңыз менен кириңиз же каттоодон өтүңүз.