Бүгүн Жогорку Кеңеште жарандын укуктары менен эркиндиктеринин сакталышы жөнүндө акыйкатчы отчёт берет

Бүгүн, 18-сентябрда Жогорку Кеңеште жарандын укуктары менен эркиндиктеринин сакталышы жөнүндө акыйкатчы отчёт берет. Бул тууралуу парламенттин сайтына жарыяланды.

Маалыматка ылайык, жыйындын күн тартиби боюнча 4 маселе каралат. 2018-жыл үчүн кыйноолорду жана башка катаал, адамгерчиликсиз же кадыр-баркты басмырлаган мамиленин жана жазанын түрлөрүнүн алдын алуу боюнча Улуттук борборунун ар жылдык баяндамасы угулат. "Салык кодексине өзгөртүүлөрдү киргизүү жөнүндө" мыйзам долбоору, "Этил спиртин жана алкоголдук продукцияны өндүрүүнү жана жүгүртүүнү, алкоголдук продукцияны, сергитүүчү алкоголсуз жана алкоголу аз ичимдиктерди чекене сатууну жана керектөөнү мамлекеттик жөнгө салуу жөнүндө" мыйзам долбоору талкууланат.

Автор: Жылдыз Джускембаева