Өкмөт башчы: "Жол кыймылынын эрежелерин одоно бузуулар үчүн айып пулдардын өлчөмү ошол бойдон калат"

"Коопсуз шаар" долбоорунун адамдардын өмүрүн сактоо жана жолдордо тартипти камсыздоо максаты ишке ашууда. Бул тууралуу премьер-министр Мухаммедкалый Абылгазиев мамлекеттик органдардын "Коопсуз шаар" долбоорунун биринчи баскычын ишке ашырууга салым кошкон кызматкерлерин сыйлоо аземинде билдирди.

"Көп жылдар бою "Коопсуз шаар" долбоору ишке ашырылбай келген. Долбоордун жактоочулары да жана каршылаштары да көп болду. 2018-жылы өкмөттүн алдына коюлган артыкчылыктуу милдеттердин бири "Коопсуз шаар" долбоору ишке ашыруу аркылуу өлкөнүн жолдорунда коопсуздукту камсыздоо болгон. Биздин позиция бирдей болгондугун, долбоор биздин коомго керек экендигин айта кетишим зарыл. "Коопсуз шаар" долбоорунун ишке ашырылышы президент тарабынан колдоого алынган. Тендер ачык-айкын өтүп, бул долбоорду ыкчам жүзөгө ашырууну камсыздады. Бүгүн "Коопсуз шаар" долбоорунун биринчи баскычы ийгиликтүү ишке ашты деп ишенимдүү айтсак болот", – деди Абылгазиев.

Премьер-министр белгилегендей, "Коопсуз шаар" долбоорун ишке киргизген соң Бишкек шаарынын жолдорунда жана Чүй облусунун унаа жолдорунун айрым тилкелеринде оң натыйжалар бар.

"Долбоордун эң башкы жетишкендиги – жол кырсыгынын кесепетинен болгон өлүмдүн азайгандыгы болду. Жалпысынан коомчулук бул жаңылыкка оң көз карашын билдирди. Ошентип ал аркылуу айдоочулардын маданиятынын калыптанышына, жол кыймылынын бардык катышуучуларынын жоопкерчилигин жана тартибин жогорулатууга салым кошуудабыз. Ооба, сын-пикирлер бар. Айрымдары боюнча биз жооп кайтаруудабыз. Мисалы, жол кыймылынын эрежелерин бузуулардын айрымдары боюнча айып пулдардын көлөмү азайтылат. Ошону менен бирге жол кыймылынын эрежелерин одоно бузуулар үчүн айып пулдардын өлчөмү ошол бойдон калат", - деди ал.

Мухаммедкалый Абылгазиев "Коопсуз шаар" долбоорунун биринчи баскычын ишке ашырууга тартылгандардын бардыгына ыраазычылык билдирди.

Автор: Жылдыз Джускембаева

21:27 30-09-2019

Жазылуу

РУБРИКАДАГЫ СОҢКУ КАБАРЛАР

17:55 2025-07-23 | Кылмыштар, кырсыктар

Беш-Күнгөйдө мас абалында милициянын формасын айрып, телефонун талкалаган жигит камакка алынды 77 0

17:38 2025-07-23 | Түркүн дүйнө

Сирия Түркиядан террористтер менен күрөшүүдө жардам сурады 163 0

17:33 2025-07-23 | Коом жана турмуш

Камчыбек Ташиев Жалал-Абадда бир катар курулуштарды кыдырды 199 0

17:27 2025-07-23 | Түркүн дүйнө

Түрк аскерлери Сириянын президентин үч жолу өлүмдөн сактап калган 292 0

17:00 2025-07-23 | Коом жана турмуш

Императорлордун изи калган байыркы Римге саякат (блог) 194 0

16:59 2025-07-23 | Түркүн дүйнө

Трамп Филиппиндин президенти менен жолугушуудан кийин аны катаал сүйлөшүүчү деп атады 296 0

Архив

Комментарийлер (7)

Abdizhapar

2019-09-30 22:32:00

Айып пулду кобойтуп кайра коррупцияга жол ачтынар тоюнбаган акмактар мурда гаилер 50сом алса азыр 500сом алып жатат карапайым элди тоноп буттунор наркы дуйнодо кандай да жатаар экенсинер жеп ичкичтер

Ernestinio

2019-10-01 10:22:45

Abdizhapar,жол эрежесин бузбай айдагыла анда, кырсык кырсык деп койобуз, канча адам о дуйно салып кетти, кочодо баардыгы жол эрежесин бузуп айдайт, сен бузбасан бузуп атасын дейт. Дисциплинага уйронуш керек да!

uli1234

2019-09-30 22:57:42

ГАИ лер үчүн оң натыйжа берип атат штрафнар чоң сумманы бергенден көрө жарымын берип кутулуп атат кобу

Bekturbek

2019-10-01 00:12:39

Штраф төлөнүү калабасаңар,жол эрежесин бузбагыла! Жол эрежесин бузсаңар, коррупцияны өзүңөр баштабай,штрафты жаздыртып,барып казынага төлөп койгула! Коррупцияны калайык калк өзүбүз баштайбыз,анан коррупция жоголбой жатат деп өзүбүз наалыйбыз. Биз ар бирибиз оңолмойун,мамлекет оңолбойт!

Abdizhapar

2019-10-01 14:45:36

Bekturbek,биринчи элге шарт тузуп берип анан талап кылыш керек. Бизде парковка стоянка деген жок да жалан эле запрещен знактар

altyn-kumush

2019-10-01 10:03:20

Жол эрежесин бузган адамдарга оор жаза берүү туура эле. Алар жол эрежесин бузбоосу үчүн жакшы жаза.

Ernestinio

2019-10-01 10:25:41

Жолдо качан дисциплина болсо кырсык азайат, жол эрежесин адам озу сактабагандан кийин штрафты очойто алыш керек, ошондо хотябы, айласы жоктон жол эрежесин сактап башташат. Андай болбосо журо беревиз, мал базардагыдай болуп

Комментарий калтыруу үчүн өз ысымыңыз менен кириңиз же каттоодон өтүңүз.