Мындан ары акча чогулткан мектеп, бала бакча жетекчилерине чара көрүлөт

Билим берүү жана илим министри Каныбек Исаков Кыргыз өлкөсүндөгү жалпы билим берүү уюмдардын жетекчилерине, администрацияларына окуучулардан, алардын ата-энелеринен жана аларды алмаштыруучу адамдардан акча каражаттарын талап кылууга тыюу салды.

Бул тууралуу аталган министрликтин маалымат кызматынан кабарлады.

Тиешелүү буйрукка бүгүн, 2-октябрда Билим берүү жана илим министри Каныбек Исаков кол койду.

"Ошондой эле мыйзамсыз акча каражаттарын чогултууга жол бербөө максатында жалпы билим берүү уюмдарынын педагогика кызматкерлеринин, жетекчилеринин, окуучулардын ата-энелеринин жана аларды алмаштыруучу адамдардын арасында түшүндүрүү иштерин жүргүзүү, мыйзамсыз акча чогултуудагы суроолор боюнча “ыкчам байланыш” телефон линияларын жана “ишеним үкөктөрүн” уюштуруу тапшырылды", - деп жазылат маалыматта.

Бул буйруктун аткарылышы жалпы билим берүү уюмдарынын ар бир педагогуна жекече кол койдуруу менен жеткирилүүгө тийиш.

Эгерде жалпы билим берүү уюмдарынын жетекчилери же педагогдору тарабынан мыйзамсыз каражат топтоо же окуучуларга, алардын ата-энелерине моралдык-психологиялык басым көрсөтүлгөн факт аныкталса, тартиптик жаза чараларын көрүү менен кызмат орундарынан бошотуу жазасы колдонулат.

Автор: Гүлшат Ысамамат кызы

14:31 02-10-2019

Жазылуу

РУБРИКАДАГЫ СОҢКУ КАБАРЛАР

13:57 2025-07-23 | Коом жана турмуш

Блогер Канат Шабданбеков президентти кантип таң калтырды? (видео) 141 0

13:21 2025-07-23 | Түркүн дүйнө

Трамп Обаманы, Байденди жана Клинтонду чыккынчылыкка айыптай баштады 305 0

12:52 2025-07-23 | Бизнес-Инфо

Умрага 3 жолдомо тапшырылды - MIslamic'тин акциясы аяктады 149 0

12:42 2025-07-23 | Түркүн дүйнө

Nokia компаниясы кайрадан телефон чыгарып башташы мүмкүн 354 0

12:18 2025-07-23 | Коом жана турмуш

Орусияда өспүрүмдү пенсионер аял тоноп кетти 647 0

11:48 2025-07-23 | Саясат

"Америка болот деп жатпадыңар беле". Токторбаев Жашылдандыруу комбинатынын жетекчисине тийишти (видео) 1205 0

Архив

Комментарийлер (11)

nargis

2019-10-02 14:53:02

Урматуу министр мырза, мыйзамга ылайык кайсы нерселер учун акча чогулуу каражаты каралган.
Урматуу автор ушул нерсе боюнча да толуктап жазсаныздар мыйзам чегинде канча акча каражаты керектелет жана ал акча каржат кимде турат эмнеге иштетилет,же кайдан кайсыл номер аркылуу жооп алсак болоорун.

Shakek

2019-10-02 15:16:20

Ушул мыйзам кагазда калып калбай иштеп кетсин
Жаны жылга,мугадимдер кунуно,класс жетекчинин туулган кунуно,мектептин ремонту,охранага,уборщицага дагы ж.б баарына акча жыйнабай калабызбы

Petrovka

2019-10-02 15:26:57

Shakek,мугалимдер күнүнө каала каалаба 100сомдон чогултушту.

Asking-

2019-10-02 15:34:49

Petrovka,эмнеге 100сомдон жообун сурасанар болотко дейм бизде берип атабыз 1000сомдой берип койдук бирок эмнеге чогултуп аткан себебин айтып атат

Petrovka

2019-10-02 15:28:04

Ошондо 50 сомдон попичительский төлөнөбү же төлөнбөйбү кантип билсек болот админ

Asking-

2019-10-02 15:32:50

Мыйзамдуу акча китепке топтоп жатат арендасын 25сомдон бир китебин. Бакиев баарын бекер кылган болчу кайра аз аздан чогултуп баштап кобойуп кетти быйыл айрыкча мектепке

mira77

2019-10-02 15:35:48

Ысык тамакка 100сом классный фонд 150 сом ремонтко 200 же 300 сом деп чогултулган акчаларбы же майрамдардагы подаркаларга чогултулган акчабы тактап так корсотуп жооп берип койсонуздар

jemile

2019-10-02 15:51:56

Акча чогулттурбай карагыла эмесе, мамлекеттик бала бакчадабыз, жерге төшөлчү бир жаңы килем паласы жок, 2 жаштагы балдарыбыз ойной турган оюнчук жок, бир штук жок... анан ошолорго кой көргө кирсин тамак алып деле ичип коебуз деп, балдар үчүн 200 сомдон акча топтоп жатабыз, оюнчук, кол аарчы, анан 4 метр палас алып берели деп...

aidinaernur

2019-10-02 20:27:43

Биздин мектепке мыйзамдуу турдо фондго акча которобуз
Ушулар жоюлабы?

aidinaernur

2019-10-02 20:28:01

Банк аркылуу

Azkoni

2019-10-02 20:38:44

Бул кабарды окуп жатсам кызым 200 сом беринчи дейт го...

Комментарий калтыруу үчүн өз ысымыңыз менен кириңиз же каттоодон өтүңүз.