Зардалы айылынын жашоочулары электр жарыгын өз алдынча чыгарууда

Баткен районунун Кара-Бак айыл өкмөтүнүн тоо таянган Зардалы айылын ким билбейт. Кыргыз өлкөсүнүн тарыхый айылына айланган бул аймакта жашоо шарт дале оор. Быйыл аймактарды өнүктүрүү жылында Зардалыда кандай өзгөрүүлөр болду? SUPER.KG порталы айыл башчыдан билип көрдү.

Зардалынын 20 жыл мурдагыдан айырмасы бир гана тынчтык. Башка өзгөрүү жок дейт айыл башчы Абдилазиз Маатов.

“Бүгүнкү күндө Зардалы айылында 49 кожолук, 213 адам жашайт. Азыркы учурда кышкыга даярданып, көпчүлүгү Баткенге кетишти. Тиричилигибиз малчылык, дыйканчылык менен өтөт. Зардалынын 1999-жылдагы учур менен азыркысын салыштырсак айырмасы бир гана тынчтык өкүм сүрүп турганы. Башка эч кандай айылда өзгөрүү жок. Айыл жашоочулары ашар жолу менен айылдагы көпүрөлөрдү оңдоп алып, кичине жылыш болду. Ал эми мамлекет тарабынан көзгө көрүнүктүү деле иш жасала элек.

Биздин Зардалыга депутаттар, бийлик өкүлдөрү келип жашоо шартыбызды көрүп кетишсе эле сүйүнүп, үмүт менен жашап калабыз. Электр жарыгы биз үчүн дайыма көйгөй жаратып келет. Ошондуктан айыл жашоочулары өз күчтөрүнө жараша бул маселени чечүүгө аракет кылып жатышат. Алсак, айыл боюнча эки үй-бүлө кубаттуулугу 12 Вольт болгон, чакан ГЭС сыяктуу агрегат орнотушкан. Бирок анын кубаттуулугу жарык бергенге гана жетет. Башка муктаждыктарга колдоно алышпайт. Белгилей кете турчу нерсе бул агрегат бир гана үйдү жарык кылууга кубаттуулугу жетет. Ал эми айыл боюнча мындай шайман 2 гана үйдө бар. Айрымдары күн батарейкаларын пайдаланышат. Ал эми мектепте жарык жок. Алдыбызда чоң дарыя агат. Мамлекет тарабынан ГЭС курулат деген убада берилген. Президент көзөмөлгө алды дешкен. Андан деле үмүт үзбөй турабыз”, - деди айыл башчы.

Автор: Бактыгүл Султаналиева
Фото: Бактыгүл Султаналиева

22:07 03-10-2019

Жазылуу

РУБРИКАДАГЫ СОҢКУ КАБАРЛАР

17:55 2025-07-23 | Кылмыштар, кырсыктар

Беш-Күнгөйдө мас абалында милициянын формасын айрып, телефонун талкалаган жигит камакка алынды 77 0

17:38 2025-07-23 | Түркүн дүйнө

Сирия Түркиядан террористтер менен күрөшүүдө жардам сурады 163 0

17:33 2025-07-23 | Коом жана турмуш

Камчыбек Ташиев Жалал-Абадда бир катар курулуштарды кыдырды 199 0

17:27 2025-07-23 | Түркүн дүйнө

Түрк аскерлери Сириянын президентин үч жолу өлүмдөн сактап калган 292 0

17:00 2025-07-23 | Коом жана турмуш

Императорлордун изи калган байыркы Римге саякат (блог) 194 0

16:59 2025-07-23 | Түркүн дүйнө

Трамп Филиппиндин президенти менен жолугушуудан кийин аны катаал сүйлөшүүчү деп атады 296 0

Архив

Комментарийлер (6)

bond02

2019-10-03 22:53:56

Керемет жер экен. биздин чондордон умут кылбагыла бирок, барса шайлоо жакындаганда эле барбаса.

Ramina-malina

2019-10-03 23:25:17

Мынча керемет жер,жомоктогудай！Жолдору да тоонун боорунда го.

asash

2019-10-04 00:50:21

Бейиштей болгон Кыргызстаным,ээ Рабби ушул бейиштей болгон Кыргызстанымдын келечегин кен кыл, элинин пейилин ондоп,озундуу тааныган,топуктуу,ынсаптуу, ак конул эл кыл,чондорубузга ынсап ыйман бер, ушундай жерлерибизди жаман коздордон сакта, келечектеги Улуу Кыргыз мамлекетине мурас кыл,озубуздун урпактарга насип кыл ушул жерибизди,олкобузго кен келечек бер, кытайга дос кылба,э Рабби биздин жерден кытайды азайт,озундон жардам сурайбыз. Оомиийн...

KG.Kushtarbek

2019-10-04 02:50:40

Огооо коозго коншу айылымсынар Жаккын бирок омурумдо бара елекмин жаль

kechirmeni

2019-10-04 10:49:48

Дайрага чон генератор орнотуп 220 вольт алса болоор бекен, окунучтуусу мамлекет козомол кылбаганы, Кудайым куч кубат берсин!!!

Kylychisa

2019-10-04 11:24:18

окмот умный учечик койдурбаса эле эми))

Комментарий калтыруу үчүн өз ысымыңыз менен кириңиз же каттоодон өтүңүз.