"Кыргызстандын 2004-жылдагы мыкты футболчусу" Эмил Кенжесариев ооруканада комада жатат

"Кыргызстандын 2004-жылдагы мыкты футболчусу", учурда казакстандык “Актобе” футбол командасынын коргоочусу Эмил Кенжесариев Алматы шаарындагы ооруканалардын биринде комада жатат. Маалыматты казакстандык ММКлар жарыялашты. Ал 10-август күнү мушташта башына катуу сокку алган. Бул иш боюнча Алматыда кылмыш иши козголду. Айта кетсек, Э.Кенжесариев Кыргызстанда төрөлүп өскөн. 2004-жылы Кыргызстандын мыкты футболчусу деп табылган. Кыргызстан курама командасынын курамында 3 оюн өткөрүп, бир гол жараткан.

Автор: Кайрат Кенжебаев