Москвада прокурордун жардамчысын өлтүргөн деп издөөдө жүргөн адам Бишкектен кармалды

"Москва шаарынын Бутыр райондук прокурорунун жардамчысын өлтүргөн деп издөөдө жүргөн Орусиянын жараны Бишкектен кармалды", - деп билдирди Улуттук коопсуздук мамлекеттик комитетинин маалымат кызматынан.

Анда белгиленгендей, өтө кооптуу кылмышкерлерди издөөгө жана кармоого багытталган ыкчам-издөө иш-чараларынын жүрүшүндө 22 жаштагы шектүү кечээ, 29-ноябрда кармалган.

"Кармалган адам мамлекеттер аралык макулдашууларга ылайык, Орусияга экстрадиция кылуу маселелерин чечүү максатында Кыргыз Республикасынын ИИМинин Криминалдык милиция кызматына өткөрүлүп берилди", - деп жазылат маалыматта.

Автор: Кызжибек Раимова
Фото: УКМКнын маалымат кызматы