Чөнтөкчүлөр колго түштү. Бишкекте уурулукка шектелип кармалгандардын арасында 3 аял бар

Бишкектеги базарларда, соода борборлорунда жана коомдук транспорттордо уурулук кылган деген шек менен 10 адам кармалды. Алардын эң улуусу 49 жашта, эң кичүүсү 25 жашта. Маалыматты Бишкек ШИИББинин басма сөз кызматынан кабарлады.

Ушул жылдын 22-июлда Свердлов РИИБине М. А. аттуу жаран кайрылып, маршруттук таксиден 120 миң акчасын уурдаган жарандарга чара көрүүнү өтүнгөн.

17-ноябрында Биринчи Май РИИБине М. Г. аттуу жаран кайрылган. Арыздануучу "Караван" соода борборундагы дүкөндөрдүн биринен баасы 70 миң сомдук пальтону уурдап кеткен белгисиз жарандарга карата чара көрүүнү суранган.

17-ноябрда Свердлов РИИБине К. К. аттуу тургун "ГУМ" соода борборунда жүргөндө күрмөсүнүн чөнтөгүнөн 12 миң сомдук телефонун уурдаган адамдарга карата чара көрүүнү суранган.

18-ноябрда Ленин РИИБине Ж. М. аттуу жаран арыз менен кайрылган. Ал белгисиз жарандар "Ош базарынын" аймагында баасы 18 миң сом болгон смартфонду уурдап, изин жашырып кеткенин айткан.

19-ноябрда Ленин РИИБине шаар тургуну О. А. белгисиз жарандарга карата чара көрүүнү өтүнүп кайрылган. Анда 19-ноябрда саат 13:30да "Ош базарынын" аймагында жүргөндө сумкасындагы капчыгын уурдап кетишкени айтылган. Капчыкта 1700 сом, 100 рубл жана паспорт болгон.

20-ноябрь күнү Ленин РИИБине Ж. Б. аттуу тургун Бейшеналиева көчөсүнөн автобуска отурганда чөнтөгүнөн 10 миң 500 сомдук смартфонун белгисиз жарандар уурдап алганын айткан.

21-ноябрда Октябрь райондук РИИБине шаар тургуну С. З. арыз менен кайрылган. Анда маршруттук таксиде бара жатканда чөнтөгүнөн 11 миң сомду түзгөн смартфонун белгисиз адамдар уурдап кеткенин айтып, тиешелүү чара көрүүнү суранган.

2-декабрда Ленин РИИБине шаар тургуну Д. Б. телефонун уурдагандар жарандарга карата чара көрүүнү өтүнгөн. Арыздануучу Киев менен Кулиев көчөлөрүнүн кесилишинен баасы 11 сомдук телефонун чөнтөгүнөн уурдап алганын билдирген.

7-декабрда Ленин РИИБине шаар тургуну Д. З. кайрылып, Бейшеналиева жана Киев көчөлөрүнүн кесилишиндеги аялдамадан күрмөсүнүн чөнтөгүнөн 11 сомдук телефонун уурдагандарга карата чара колдонууну суранган.

8-декабрда Ленин РИИБине Т. Э. аттуу жаран "Ош базарында" жүргөндө сумкасынан 6 миң сомун уурдатып алганын айткан. Мындан тышкары, арыздануучу паспортун дагы уурдатканын билдирген.

Жогорудагы фактылардын баары Кылмыштардын жана жоруктардын бирдиктүү реестрине 200-берене (уурулук) менен катталып, сотко чейинки өндүрүш иши ачлган.

Биргеликте жүргүзүлгөн ыкчам тергөөнүн жүрүшүндө шектүүлөр кармалган. Алар:

1970-жылы туулган Э.Г.;

1980-жылы туулган Т.Ш.;

1981-жылы туулган М.У.;

1981-жылы туулган К. И.;

1985-жылы туулган И. А.;

1986-жылы туулган О.С.;

1988-жылы туулган К.А.;

1989-жылы туулган Э.А.;

1989-жылы туулган К.А.;

1994-жылы туулган Н.Э.

Кармалган жарандар Бишкек ШИИББинин убактылуу кармоочу жайына киргизилди. Учурда иликтөө иштери улантылып, шектүүлөрдүн мындан башка дагы кылмыш иштерине катыштыгы бар же жок экендиги тергелип жатат.