Бишкекте автобус, троллейбус катышкан жол кырсыгында жабыркагандарга мэрия компенсация төлөп берет

Бишкекте 14-декабрда автобус, троллейбус жана эки автоунаанын катышуусунда жол кырсыгы катталган. Бул тууралуу жол кыймылынын коопсуздугун камсыздоо башкы башкармалыгынан билдирген.

Маалыматка ылайык, кырсык Гагарин жана Термичиков көчөлөрүнүн кесилишинде орун алган. Анын кесепетинен 8 киши жабыркаганы айтылган.

“Honda Odyssey үлгүсүндөгү унаа менен троллейбус жөө адамдарды өткөрүп токтоп турган. Ошол маалда №6 автобус троллейбусту сүзүп, ал автобуска Ford Focus үлгүсүндөгү автоунаа келип урунган. Кырсыктан жабыркагандар №4 шаардык ооруканага жеткирилген. Ал эми айдоочуларга амбулатордук жардам көрсөтүлгөн. Алдын ала маалыматтар боюнча бир жүргүнчүнүн абалы оор”, - деп айтылган маалыматта.

15-декабрда Шаардык мэрия коомдук унаадагы жүргүнчүлөр камсыздандырылганын белгилеген.

“Кырсык орун алгандан кийин вице-мэр Азиз Алымкулов транспорттук кызматтын жетекчилиги менен ыкчам жыйын өткөргөн. Жыйында кырсыкта жабыркагандарга компенсация төлөп берүү маселеси көтөрүлгөн. Учурда Камсыздандыруу компаниясы менен сүйлөшүүлөр жүргүзүлүп жатат. Кырсыктан жабыркагандар тийиштүү документтерди көргөзгөндөн кийин Камсыздандыруу компаниясы компенсацияларды төлөп баштайт”, - дешти мэриядан.

Маалым болгондой, муниципалдык унаалардагы жүргүнчүлөрдүн отургучтары жыл сайын камсыздандырылып турат.

Автор: Бактыгүл Султаналиева

10:14 16-12-2019

Жазылуу

РУБРИКАДАГЫ СОҢКУ КАБАРЛАР

20:03 2025-06-08 | Коом жана турмуш

Эстрада ырчысы Алтынай Асанбекова турмуш жолуна аттанды (видео) 1272 0

17:23 2025-06-08 | Түркүн дүйнө

UFC чемпиону Двалишвили Трамптын алдына чөгөлөдү (видео) 2333 0

16:10 2025-06-08 | Түркүн дүйнө

Журналисттерге Украина аскерлеринин сөөктөрү көрсөтүлдү (видео) 2716 0

15:45 2025-06-08 | Коом жана турмуш

Белгилүү фотограф Эржан Кадырбеков уулдуу болду 1117 0

15:30 2025-06-08 | Коом жана турмуш

Кара-Сууда асфальт жана бетон өндүрүүчү ири завод ишке кирди (видео) 985 0

15:05 2025-06-08 | Түркүн дүйнө

Индияда дүйнөдөгү эң бийик темир жол көпүрөсү ишке киргизилди (видео) 1533 0

Архив

Комментарийлер (3)

chake

2019-12-16 10:28:10

жол тайгак болуп жатат го абайлаш керек болчу

Jaznura

2019-12-16 10:28:16

Кырсык каш кабактын ортосунда. жабыркагандарга Жараткан саламттык берсин.

altyn-kumush

2019-12-16 10:37:34

Кырсык бул, бирок жанталашып айдаганды токтотушса болот эле кыш мезгилинде жок дегенде. Ортодо куноосуз жургунчулор гана жабыркап калып жатат. Омуруно зыян келсе аны ким калыбына келтирет? Коомдук транспортторду опкону жана тормозду басып айдагыла айдоочулар!

Комментарий калтыруу үчүн өз ысымыңыз менен кириңиз же каттоодон өтүңүз.