Мурда дагы соттолгон. Сузакта мал жана баалуу буюмдарды уурдап жүргөн кылмыштуу топ кармалды

Жалал-Абад облусунун Сузак районунда уурулукка шектелип, мурда соттолгон 3 адам кармалды. Алар жалпысынан 260 миң сомго мал жана баалуу буюмдарды уурдаганын Жалал-Абад ОИИБинин маалымат кызматынан кабарлады.

13-ноябрда Сузак районунун 47 жаштагы тургуну райондук ички иштер бөлүмүнө кайрылып, үйүнүн короосунан 150 миң сомдук (базар баасы) жылкысын белгисиз адамдар уурдап кеткендигин айткан. Мындан сырткары, ноябрь айында 8 жаран укук коргоо кызматкерлерине жардам сурап кайрылган. Алар мал жандыктарын, телефондорун, зер буюмдарын жана накталай акчаларын белгисиз кылмышкерлерге уурдатып жибергендигин айтышкан. Бул уурулуктун суммасы 110 миң сомду түзгөн.

"Жогорудагы фактылардын бардыгы Кылмыштардын жана жоруктардын бирдиктүү реестрине 200-берене (уурулук) менен катталып, сотко чейинки өндүрүш иши ачылган.

Жүргүзүлгөн ыкчам иликтөө иштеринин натыйжасында кылмышка шектүү катары мурда соттолгон 3 жаран кармалып, 2 айга убактылуу кармоочу жайга киргизилди. Алар:

- Сузак районунун 1979-жылы туулган К.Э. аттуу тургуну. Ал мурда "уурулук" жана "тоноо" беренелери менен соттолгон;

- Сузак районунун 1994-жылы туулган Б.Ч. аттуу тургуну. Ал буга чейин "уурулук", "мал уурдоо" жана "каракчылык" беренелери менен соттолгон;

- Кара-Суу районунун 1991-жылы туулган С.М. аттуу тургуну. Ал мурда "каракчылык" беренеси менен соттолгон.

Учурда шектүүлөрдүн башка кылмыш иштерине тиешеси бар же жок экендиги териштирилип, тергөө амалдары жүргүзүлүүдө", - деди маалымат кызматынан.

Автор: Бактыгүл Момбекова

19:42 27-12-2019

Жазылуу

РУБРИКАДАГЫ СОҢКУ КАБАРЛАР

20:03 2025-06-08 | Коом жана турмуш

Эстрада ырчысы Алтынай Асанбекова турмуш жолуна аттанды (видео) 1167 0

17:23 2025-06-08 | Түркүн дүйнө

UFC чемпиону Двалишвили Трамптын алдына чөгөлөдү (видео) 2244 0

16:10 2025-06-08 | Түркүн дүйнө

Журналисттерге Украина аскерлеринин сөөктөрү көрсөтүлдү (видео) 2631 0

15:45 2025-06-08 | Коом жана турмуш

Белгилүү фотограф Эржан Кадырбеков уулдуу болду 1070 0

15:30 2025-06-08 | Коом жана турмуш

Кара-Сууда асфальт жана бетон өндүрүүчү ири завод ишке кирди (видео) 947 0

15:05 2025-06-08 | Түркүн дүйнө

Индияда дүйнөдөгү эң бийик темир жол көпүрөсү ишке киргизилди (видео) 1470 0

Архив

Комментарийлер (3)

Nurzada_0111

2019-12-27 20:29:25

Урунарга тоо таппай урушарга жоо таппай турган кезинер экен. Кучунорду адал эмгекке коротпойсунаибы? Ууру кылгандарды кытайдагыдай эле колун кесип салыш керек

Bekturbek

2019-12-28 00:07:18

Колдорун кесип салыш керек!

Jelezo

2019-12-29 09:13:39

О түрү сууктар.

Комментарий калтыруу үчүн өз ысымыңыз менен кириңиз же каттоодон өтүңүз.