Асел Кадырбекова талкууга алынган видео үчүн кечирим сурады

Гив-оюну үчүн жарнамалык видео тартып, сынга кабылган ырчы Асел Кадырбекова кечирим сурады. Учурда чет өлкөдө эс алып жүргөн ырчы социалдык тармактагы баракчасы аркылуу окурмандарына, күйөрмандарына кайрылып, адамдардан гумандуу болушун суранган.

Айтымында, видеодогу жаныбарларды өз көзү менен көргөн эмес. "Мен кимдир-бирөөнү кыйнап, эзип, өлтүрүп жаткандай жазыптырсыңар. Мен видеого тартылып кетип калгам. Кийинчерээк даяр болгон видеону алгам", - деген ал.

Мындан тышкары, Асел Кадырбекова эмнеге цирктер менен ушундай активдүү күрөшпөйсүңөр деген суроону окурмандарга узаткан.

"Силер эч кандай кыйынчылыксыз эле асылып, таш ыргыта турган адамды таап алдыңар. Бул акмактык! Эгер силер жаныбарлардын коргоочулары болсоңор, менин дарегиме эмес цирктерге, зоопарктарга жазгыла", - деп кошумчалаган.

Билдирүүсүнүн соңунда Асел айым видео үчүн өзүнүн, гив-оюндун уюштуруучуларынын атынан баарынан кечирим сурай турганын айткан.

Белгилей кетсек, Асел Кадырбекова өздүк гив-оюнун уюштуруп, баш байгеге Range rover үлгүсүндөгү автоунаа коюлганын жар салууда. Оюндун видеосу социалдык тармактарга жүктөлөрү менен коомчулукта чоң нааразычылык жаратты.

Автор: Бактыгүл Момбекова

15:42 10-01-2020

Жазылуу

РУБРИКАДАГЫ СОҢКУ КАБАРЛАР

18:52 2025-05-06 | Саясат

Садыр Жапаров Ала-Арча паркында эл менен жолукту (видео) 1788 0

18:32 2025-05-06 | Коом жана турмуш

Бүгүн кечинде Бишкектин айрым көчөлөрү жабылат. Себеби 915 0

18:13 2025-05-06 | Коом жана турмуш

7-майда Жибек Жолу проспектинин жабылган бөлүгү ачылат 709 0

18:06 2025-05-06 | Кылмыштар, кырсыктар

Гүлчө дарыясына агып кеткен кыздын сөөгү табылды 1758 0

17:25 2025-05-06 | Коом жана турмуш

Чүйдө мыйзамсыз соода-сатыкка каршы рейд жүрүүдө (видео) 775 0

16:58 2025-05-06 | Коом жана турмуш

"Бир күн менен жашабайлы". Жол тескөөчүлөр бекеттерде түшүндүрүү иштерин жүргүзүшүүдө 802 0

Архив

Комментарийлер (6)

ajos

2020-01-10 16:24:05

Акмак экенсинер деп туруп, анан кечирим сурамыш болуп коюптур го. Ошол аюуну эле кошпой койсо жакшы эле корунмок экен эле.

nuke-85-85

2020-01-10 18:52:10

Тузууук, тузуууук Асел айым кечирим сураптыр. Кечирим суроо да бул эрдик.

-7

katerina.li

2020-01-10 21:52:51

Кечирим суроону коро алган жокмун акмактык деп коюптур анын ордуна

Mister-X

2020-01-11 00:09:34

Гумандуу болгула,мырк болбогула!Таш ыргытпагыла,бул акмакчылык!Цирк, зоопаркка ыргыткыла ташынарды-деп кечирим сураганы эмнеси?

rahali

2020-01-11 15:11:19

ОЗУ биз даяр ишти сындап отурганы эле устабыз телефон артында баары патриот,куйумдуу,билимдуу маданиятту ищи кылса идеялдуу сезебиз озубузду.Бироонун кемчилигин эле андып турабыз.

-4

Azatbek.Svoboda.

2020-01-13 22:57:20

Билгем акыркы убактарда туалетте кантип бошонгонунарды да инстага киргизесинер деп! Айырмасы жок акмактар деп ошол акмактар сага тамак алып берип ушул даражага жеткирди.Ошол сен айткан акмактардын акчасына башын айланып которо албай калыпсын!Адам бол акмак сен озун экенсинда акыры билдирипсин!

Комментарий калтыруу үчүн өз ысымыңыз менен кириңиз же каттоодон өтүңүз.