Чайнек жалпайганча сабап. Ысык-Көл облусунда 68 жаштагы жаранды 54 жаштагы айылдашы сабап салган деп шектелүүдө

Жабырлануучу.

Ысык-Көл районуна караштуу Жаркынбаев айылында 70 жашка жакындап калган байкемди айылдашыбыз катуу сабап, учурда ооруканада жатат деп жабырлануучунун иниси Майрамбек Ормонбаев аттуу жаран SUPER.KG порталына кайрылды.

Анын айтымында, окуя 5-январда болгон.

"Байкем айылда өзү жалгыз жашайт. Ичип да коёт. Экинчи топтогу майып. 5-январда айылдашы экөө ичип отуруп, чыр чыгып кеткенби байкемди аябай сабап коюптур. Бети башынан тамтык жок. Колу сынган. Башын бычак менен тилип салган. Чайнек жалпайып калгыча уруптур. Милиция чакыртып, алар далил буюмдарды алып кетишти. Азыр байкем ооруканада, абалы оор. Бүгүн, 11-январда колу сынып кеткендиктен, ага операция жасала турганын дарыгерлер айтышты. Биз айылдашыбыздан жардам деле күткөн жокпуз. Болгону милиция кызматкерлери адилеттүү карашса деген үмүт менен сиздерге кайрылып жатабыз. Айылдашыбыз азыр үйүндө эле жүрөт. Милиция чакырганда гана барып турат экен. Бирок ал бычак колдонуп жатат да. Эмнеге ага беренени ошого карап туруп койбойт? Ал жок дегенде тергөө бүткүчө камакка алынышы керек болчу", - дейт айыл тургуну.

Ал эми бул фактыны тастыктоо үчүн Ысык-Көл ОИИБине кайрылганыбызда маалыматты тастыктап, буларды билдирди.

5-январда Ысык-Көл облусунун Ананьево айылында жайгашкан ооруканага 68 жаштагы жаран башынан алган жаракатынан улам келип түшкөн. Маалыматка ылайык, 5-январь күнү Ысык-Көл районуна караштуу Жаркынбаев айылында 68 жаштагы жаран менен 54 жаштагы айылдашы спирт ичимдиктерин ичип отурушкан. Ортодо чыр чыгып, 54 жаштагы жаран 68 жаштагы жаранды чайнек менен башка чаап салган.

Бул факты Кылмыштардын жана жоруктардын бирдиктүү реестрине 139-берене "денеге анча эмес оор залал келтирүү" беренеси менен катталган. Учурда бул факты боюнча соттук-медициналык экспертизалар дайындалып, териштирүү иштери жүрүп жатат.

Экспертизанын жыйынтыгы менен баары белгилүү болот. Ошондой эле чыккан жыйынтыкка карап, берене өзгөртүлүшү мүмкүн деп кошумчалайт басма сөз кызматкери.

Автор: Айсалкын Качкынбекова
Фото: Майрамбек Ормонбаев

15:17 11-01-2020

Жазылуу

РУБРИКАДАГЫ СОҢКУ КАБАРЛАР

20:03 2025-06-08 | Коом жана турмуш

Эстрада ырчысы Алтынай Асанбекова турмуш жолуна аттанды (видео) 1167 0

17:23 2025-06-08 | Түркүн дүйнө

UFC чемпиону Двалишвили Трамптын алдына чөгөлөдү (видео) 2244 0

16:10 2025-06-08 | Түркүн дүйнө

Журналисттерге Украина аскерлеринин сөөктөрү көрсөтүлдү (видео) 2631 0

15:45 2025-06-08 | Коом жана турмуш

Белгилүү фотограф Эржан Кадырбеков уулдуу болду 1070 0

15:30 2025-06-08 | Коом жана турмуш

Кара-Сууда асфальт жана бетон өндүрүүчү ири завод ишке кирди (видео) 947 0

15:05 2025-06-08 | Түркүн дүйнө

Индияда дүйнөдөгү эң бийик темир жол көпүрөсү ишке киргизилди (видео) 1470 0

Архив

Комментарийлер (10)

bema_bema

2020-01-11 15:26:28

Мыкаачы немего, аракты билип туруп ичишет

Kyrgyz_bloger

2020-01-11 15:26:55

Калыгулдун ырындагы тен ата болоор жаш кары,тебилип калаар баш дагы,деп жазылган заман келди азыр 30дагы жигит м.н 60тагы чал чогуу ичип каарысын сабап кое бере турган жашоо болуп жатат.

+11

gulam

2020-01-11 15:36:23

Алкаштар десе

Tiken

2020-01-11 16:12:48

Ичкиликтин натыйжасы...

Baihan07

2020-01-11 16:22:56

Денеге анча оор эмес залал келтирилген дейтко милициядан, сүрөтүндө оор экени көрүнүп турат.

Baktyluu_bolgum_kelet

2020-01-11 16:29:31

Карыганда калжандабай жөн жүрбөйбү! Төрүнөн көрү жакын калганда.Арак бардык балеегин башаты.

Krai

2020-01-11 17:48:58

Baktyluu_bolgum_kelet,
Туура айтасың 70ке таяп калган экен жөн эле жүрбөйбү ичпей эле арак жакшылыка алып барбайт да

Edil2991

2020-01-11 17:59:50

Мирлан,Эрлан,Элебес беле дагы ким дин жонундо маалымат чыкса жабалактап чурчап келип жамандап комментарий жазганга шашасынар.
Мына далайдын тубуно жеткен,уй_булоо очогун жалп очургон,ата-энесиз калтырган,Ата баладан таяк жеген,Кыз атасынан бозуган жана башка ушул сыяктуу жаман иштерге себепчи болгон арак аралашкан тема козголсо БАЛЫК СЫМАЛ УН КАТПАЙ КАЛАСЫНАР.
Бир реакция кылгыла бул темага дагы.

Aikaaaa

2020-01-12 12:07:41

Edil2991, ооба бизде ушундай түшүнүк калыптанып калды, же алкаш, же молдоке деген, үчүнчү бир вариант жок

meni_kut

2020-01-12 20:14:13

Edil2991,туптуура айттын

Комментарий калтыруу үчүн өз ысымыңыз менен кириңиз же каттоодон өтүңүз.