Ош шаарында өткөн жылы уюшкан кылмыштуу топтун 8 мүчөсү камалган

Ош шаарында өткөн жылы ИИМдин атайын тизмесинде турган кылмыштуу топтун 8 мүчөсү камалган. Бул тууралуу Ош ШИИБинин басма сөз кызматынан билдиришти.

Ош ШИИБинин криминалдык милиция кызматы ушул жылдын 1-чейректеги планына ылайык 23-25-январь күндөрү "Бандит" деген аталыштагы иш-чара өткөрдү.

Рейддин жүрүшүндө Ош шаарында жашаган ИИМдин атайын тизмесинде уюшкан кылмыштуу топтун мүчөсү катары каттоодо турган 16 жаран алып келинип, профилактикалык иш-чаралар жүргүзүлдү. Аларга мыйзамды бузбай, коомдук тартипти сактап, эл катары тынч жашоо зарылдыгы эскертилди. Ошондой эле милиция кызматкерлеринин көзөмөлүндө турган, кылмыш жасоого кызыкдар, кылмыштуу топтор менен мурда байланышы болгон жана мурда соттолуп чыккан жарандар менен дагы профилактикалык эскертүү жумуштары аткарылды. Иш-чаранын жүрүшүндө төмөндөгү жумуштар аткарылды:

Мурда жасалган 57 кылмыштын бети ачылды;

4 издөөдө жүргөн кылмышка шектүү жаран кармалды;

2 дайынсыз жоголгон жарандардын жүргөн жери аныкталып, туугандарына маалымат берилди;

Мыйзамсыз караңгылатылган 22 автоунаа кармалды.

"2019-жылы Ош шаарында ИИМдин атайын тизмесинде турган уюшкан кылмыштуу топтун 8 мүчөсүнүн үстүнөн тергөө иштери жүргүзүлүп, учурда алар жазаларын өтөп жатышат. Бир адамга издөө жарыяланган. Ыкчам маалыматтарга караганда, Орусияда жашырынып жүрөт. Ал эми калган кылмыштуу топтун мүчөлөрүнүн иш аракеттери Ош ШИИБинин көзөмөлүндө турат. Жалпысынан ИИМдин атайын тизмесинде уюшкан кылмыштуу топтун мүчөсү катары Ош шаарында 34 адам турат. Алардын бирөөсүнүн үстүнөн сотко чейинки өндүрүш иши уланууда. 2019-жылы жалпысынан 16 кылмыштуу топтун мүчөсүнүн үстүнөн 23 ирет кылмыш иши тергелген. Натыйжада 8 жаран абакта. Ал эми 9 адам Ош шаарынан чыгып кетишкен. Ош шаарында 16 жаран милициянын көзөмөлүндө. Алар тарабынан кандайдыр бир кылмыш жасоого аракеттер боло турган болсо чечкиндүү чаралар көрүлөт", - деп жазылат маалыматта.

Автор: Айсалкын Качкынбекова

10:07 27-01-2020

Жазылуу

РУБРИКАДАГЫ СОҢКУ КАБАРЛАР

20:03 2025-06-08 | Коом жана турмуш

Эстрада ырчысы Алтынай Асанбекова турмуш жолуна аттанды (видео) 1167 0

17:23 2025-06-08 | Түркүн дүйнө

UFC чемпиону Двалишвили Трамптын алдына чөгөлөдү (видео) 2244 0

16:10 2025-06-08 | Түркүн дүйнө

Журналисттерге Украина аскерлеринин сөөктөрү көрсөтүлдү (видео) 2631 0

15:45 2025-06-08 | Коом жана турмуш

Белгилүү фотограф Эржан Кадырбеков уулдуу болду 1070 0

15:30 2025-06-08 | Коом жана турмуш

Кара-Сууда асфальт жана бетон өндүрүүчү ири завод ишке кирди (видео) 947 0

15:05 2025-06-08 | Түркүн дүйнө

Индияда дүйнөдөгү эң бийик темир жол көпүрөсү ишке киргизилди (видео) 1470 0

Архив

Комментарийлер (3)

Absamat-90

2020-01-27 10:32:17

Албетте мурункудай калкалаган эч ким жок, оз алдынча мыйзам чегинде иштесе ушинтип эле чара коруп баарын кармайт.

murat17

2020-01-27 11:37:28

Absamat-90,койгулачы бул жон гана эл козу учун кылып жатат калптан эле же жонокой эле тоок уурулар булар главный уурулар чартанбай тееп журушот наборот Бакиевдин тушунда черныйларды иттей кырган азыр бийлик черныйлар менен жакын мамиледе черныйлар менен иш алып барышат

chake

2020-01-27 10:54:28

Буга чейин Уурусу да коррупционери да мыйзам талаасынан чыгып жургон болсо азыр баары мыйзам талаасына кайтып келиш керек

Комментарий калтыруу үчүн өз ысымыңыз менен кириңиз же каттоодон өтүңүз.