Бишкекте эл ташыган маршруттук такси менен жеңил унаа сүзүшүп, эки адам жабыркады

Бишкекте эл ташыган маршруттук такси менен жеңил унаа сүзүшүп, эки адам жабыркады. Бул тууралуу патрулдук милициянын басма сөз кызматынан билдиришти.

Маалыматка ылайык, жол кырсыгы бүгүн, 28-январь күнү таңкы саат 06:15 чамасында Жукеев-Пудовкин
көчөсүндө болгон.

"Mercedes-Benz Sprinter унаасы Жукеев-Пудовкин көчөсү менен түндүк багытка бара жатып, Сүйөркулов көчөсүнүн кесилишинен солго бурулганда, Мерседес-Вито унаасы менен сүзүшкөн. Натыйжада кырсыктан эки маршруттук таксидеги эки жүргүнчү жабыркаган. Алар 1987-жылы туулган И.А. жана 1996-жылы туулган Ж.А. Учурда алар ооруканага жөнөтүлгөн. Бул кырсык боюнча териштирүү иштери жүрүүдө", - деди басма сөз кызматынан.