Мурда соттолгон! Токмокто маршруттук унаада уурулук кылганга шектелген жаран кармалды

Токмокто 59 жаштагы чөнтөкчү кармалды. Чүй ОИИББинин маалымат кызматынын билдирүүсүнө ылайык, кармалган жаран мурда соттолгон.

"2019-жылдын декабрь айында Токмок шаарынын 28 жаштагы тургуну укук коргоо органдарына арыз менен кайрылган. Анда жабырлануучу маршруттук таксилердин биринен анын телефонун белгисиз адамдар уурдап кеткенин кабарлаган.

Бул факт Кылмыштардын жана жоруктардын бирдиктүү реестрине "уурулук" беренеси менен катталган. Шектүү катары мурда соттолгон 59 жаштагы Д.Ж. кармалды. Учурда териштирүү иштери жүргүзүлүп жатат", - деп билдиришти мекеменин маалымат кызматынан.

Автор: Бактыгүл Момбекова