УКМК: Жогорку Соттун сот департаментинин мурунку директору камакка алынды

Сот департаментинин мурунку директору пара алууга шектелип камакка алынды. Бул тууралуу УКМКнын басма сөз кызматынан билдиришти.

"Коррупциялык иштерге бөгөт коюу жана алдын алуу боюнча ыкчам иш-чараларынын жүрүшүндө Сот департаментинде мамлекеттик сатып алуулар боюнча мыйзам бузуу фактысы катталды. Бишкек шаарынын Биринчи Май райондук соту жана Сот департаментинин имараттарын оңдоп-түзөө иштери боюнча тендер өткөрүүдө мамлекетке пайдасыз келишимдерди түзүү фактысы аныкталды. Биринчи май райондук сотунун жаңы имаратын куруу иштери боюнча тендер өткөрүүдө айрым кызмат ээлери оңдоп-түзөө иштерине келишим түзүү үчүн жеке ишкерлерден ири суммада акча алган.

Жогоруда укук бузууларда сот департаментинин жетекчилигинин катышуусу бар экендигине түздөн-түз далилдер алынды.

Буга байланыштуу тергөө иштеринин жыйынтыгында сот департаментинин статс-катчысы К.С., башкармалыктардын биринин бөлүм башчысы А.А., башкы адиси Г.Ж. жана ошондой эле Ж.Т.га карата камака алуу боюнча башкоргоо чаралары каралды", - деп жазылат маалыматта.