Бишкекте уурулук кылганга шектелип 29 жаштагы жаран кармалды

Бишкекте унаанын ичиндеги барсетканы уурдаган деген шек менен 29 жаштагы жаран колго түшүрүлдү. Биринчи Май РИИБинин маалымат кызматынан кабарлагандай, барсетканын ичинде 15 миң 300 сом жана документтер болгон.

2019-жылдын 1-ноябрында шаар тургуну укук коргоочуларга арыз менен кайрылып, Мерседес-Бенц Спринтер үлгүсүндөгү унаасынан барсеткасын уурдап кеткен жаранга карата чара көрүүнү өтүнгөн. Бул факты Кылмыштардын жана жоруктардын бирдиктүү реестрине 200-берене (уурулук) менен катталып, сотко чейинки өндүрүшкө алынган.

"Ыкчам тергөө иш-чарасынын жүрүшүндө 1990-жылы туулган Ж.Д. шектүү делинип кармалды. Учурда ал Бишкек ШИИББинин убактылуу кармоочу жайына киргизилди. Шектүүнүн мындан башка дагы кылмыш иштерине катыштыгы бар же жок экендиги териштирилип жатат", - деп билдирет маалымат катчы.

Автор: Бактыгүл Момбекова