Депутат Бекешев Акрам Мадумаровго: "Эми министрлерди галстук үчүн урушасызбы?"

Бүгүн, 12-февралда Жогорку Кеңеште вице-премьерликке Акрам Мадумаровдун талапкерлиги каралууда. Анда депутат Дастан Бекешев Акрам Мадумаровго галстук боюнча мугалимдерди сындаганын эскертти.

"Мугалимдерди галстук тагынбаганы үчүн уруштуңуз эле. Эми ар бир министрди галстук үчүн урушасызбы?" - дейт Бекешев.

Акрам Мадумаров: "Мен Баткен облусунун жетекчиси катары ошол окуу жайга барып, окутуучуларга сын-пикир айткам. Мен өзүм мугалим болуп иштегем. Мугалимдерди урматтайм. Ал жерде мугалимдерге, окуучуларга шарт түзүп берүү биринчи максат болчу", - дейт Мадумаров.

Автор: Жылдыз Джускембаева