Сооронбай Жээнбеков: "Өлкөнүн өнүгүүсү үчүн жарандык коом ачык, маалымат каражаттары эркин, парламент күчтүү болушу абзел"

"Өлкөнүн өнүгүүсү үчүн жарандык коом ачык, маалымат каражаттары эркин, парламент күчтүү болушу абзел" деп бүгүн, 20-февралда Жогорку Кеңештин жыйынында президент Сооронбай Жээнбеков билдирди.

Анын айтымында, бул демократиялык коомдогу негизги баалуулуктар. "Аны менен катар партиялык системди өнүктүрүү чоң мааниге ээ. Партиялык систем - партияларды ирелештирет, регионализмди жоготот. Программаларды, идеяларды бириктирет. Партиялардын социалдык базасын кеңейтет. Парламенттин сапаттык курамына партиялар жоопкер. Ал партиялардын тизмесинен көз каранды", - дейт президент.

Автор: Жылдыз Джускембаева