"Унаанын терезесин талкалап, тоо лыжасын уурдап кеткен". Кылмышка шектүү кармалды

Унаанын терезесин талкалап, ичиндеги тоо лыжасын уурдап кеткен деген шек менен 27 жаштагы жаран кармалды. Бул тууралуу милициянын кайгуул кызматынан билдиришти.

"2020-жылдын 8-мартынды 1983-жылы туулган Д.М. аттуу жаран Бишкек шаардык милициянын кайгуул кызматына белгисиз ууруларга чара көрүү тууралуу арыз менен кайрылган. Анда белгисиз адам 7-март күнү болжол менен саат 23:05 чамасында арыз ээсинин короосунда токтоп турган Тойота Камри автоунаасынын алдыңкы терезесин сындырып, баасы 23 миң 500 сом болгон “Атомик” тоо лыжасын уурдап кеткен. Көрүлгөн ыкчам издөөнүн натыйжасында 1993-жылы туулган Т.Т. кармалып, Октябрь РИИБинин тергөө кызматына өткөрүлүп берилди. Бул факт Кылмыштардын жана жоруктардын бирдиктүү реестрине катталып, 200-берененин негизинде (уурдоо) сотко чейинки өндүрүшкө алынды", - деп жазылат маалыматта.

Автор: Гүлжамал Абылкасымова