Токтогул районунун аймагына кар көчкү түшүп, унаа жолу жабылды

Бүгүн, 19-март күнү Токтогул районунун аймагына кар көчкү түшкөнүнө байланыштуу бардык унааларга өтүүгө чектөө киргизилди. Бул тууралуу Өзгөчө кырдаал министрлигинин басма сөз кызматынан билдиришти.

"2020-жылдын 19-мартында Жалал-Абад облусуна караштуу Токтогул районунда ("Пельменный" тилкеси) саат 10:20 чамасында кар көчкү түшүп, унаа жолу жабылды. Кырдаалга байланыштуу Токтогул районунун "Арал" постунда саат 11:10дон тартып унаалардын бардык түрлөрүнө убактылуу чектөө киргизилди", - деп жазылат маалыматта.

Автор: Гүлжамал Абылкасымова