Эгемендүүлүк күнүнө карата Бишкекте бир катар спорттук мелдештер болот

31-августта Бишкектеги эски аянтта Кыргызстандын Эгемендүүлүгүн майрамдоо иш-чараларынын алкагында саат 10:00дөн 13:00гө чейин спорттук иш-чаралар өткөрүлөт. Бишкек шаардык дене тарбия жана спорт комитети тарабынан спортчулардын чеберчилигин көрсөтүү жана спорттун түрлөрү боюнча мелдештер уюштурулат. Иш-чара шаардыктарды сергек жашоого үндөө жана спортту пропагандалоо максатында өткөрүлмөкчү. Анда көркөм гимнастика, акробатика, оор атлетика, таэквондо, будо-каратэ, ушу, дзюдо, эркин жана грек-рим күрөшү боюнча мелдештер болот. Ошону менен бирге ордо, шахмат, тогуз коргол, стол үстүндөгү теннис, аркан тартыш боюнча шаардын Биринчилиги өткөрүлөт.

Автор: Ширин Жумадилова