Бишкекте "Тез жардам" кызматынын унаасы жол кырсыгына кабылып, 2 медицина кызматкери жаракат алышты

Бишкекте "Тез жардам" кызматынын унаасы жол кырсыгына кабылып, 2 адам денесинен ар кандай жаракаттарды алышты. Бул тууралуу Бишкек ШИИББинин маалымат кызматынан кабарлашты.

Маалыматка ылайык, жол кырсыгы бүгүн, 6-апрелде саат 11:00дө Ахунбаев жана Тыналиев көчөлөрүнүн кесилишинде орун алды.

"Тез жардам" кызматынын унаасы менен Тойота Камри үлгүсүндөгү унаалар капталы менен сүзүшүп кетти. Кырсыктын кесепетинен 2 медицина кызматкери денесинен ар кандай жаракаттарды алышып, ооруканага жеткирилди. Айдоочулардын абалы жакшы", - деп билдирет мекеменин маалымат катчысы.

Учурда жол кырсыгы боюнча тиешелүү тергөө иштери жүргүзүлүп жатат.

Автор: Бактыгүл Момбекова