Көк бөрү: Президенттин Кубогун "Суусамыр" командасы илип кетти

Максат үйүнөн жөө келип, минтип автоунаа минип кетти

Лотереядан Хонда Фит автоунаасын утуп алган тургун Максат унаасына отурууда

Лотереядан Хонда Фит автоунаасын утуп алган тургун Максат

Мелдеш учурунда лотерея ойнотулду

КРнын Көк бөрү федерациясынын президенти, ЖКнын депутаты Канатбек Исаев (сол жактан үчүнчү), Президенттик Аппараттын башчысы Данияр Нарымбаев (кызыл галстукчан), Дене тарбия жана спорт агенттигинин башчысы Мурат Саралинов (оң жактан төртүнчү) жана башкалар

Мелдеште коомдук коопсуздукту көзөмөлгө алгандар

"Суусамыр" командасынын курамы

"Суусамыр" командасынын капитаны Нурмамбет Койчукеев Кубок менен

"Суусамыр" командасынын капитаны Нурмамбет Койчукеев Президенттик Аппараттын башчысы Данияр Нарымбаевден Кубокту алууда

Дене тарбия жана спорт боюнча мамлекеттик агенттиктин директору Мурат Саралинов улакчыларга сыйлык тапшырууда

Жеңүүчүнү күтүп турган Президенттин Кубогу

Күйөрмандар футболдо эле эмес, көк бөрүдө да көп

"Кожомкул" канчалык аракет кылса да тай казанга 2ден ашык улак таштай албады

Жан ширин да...

Көк бөрү өтө кооптуу оюн. Мындай жыгылуулар таймашта көп болот

"Качкан да кудай дейт, кууган да кудай дейт" деген ушу

Улак тартыш айыгышкан мүнөздө өттү

Атын теминген улакчы атаандашынын жолун тосууга баратат

Көк бөрү өтө кооптуу оюн. Мындай жыгылуулар таймашта көп болот

Булчуңдар чыңалып турган учур

Мелдештерге катыша берип аттар да кандай чуркап, кандай басышты үйрөнүп калган

Көк бөрү улакчыларга гана эмес анын күйөрмандарына да кээде коркунуч жаратат

Мындай балбан аттар болмоюнча мен кыйынмын деген улакчынын да иши жүрүшпөй турганы белгилүү

Аттар бири-бирин жөөлөшүп, балбандын улакты илип кетишине жол ачып беришет

Көк бөрү өтө кооптуу оюндардын бири. Мындай жыгылуулар таймашта көп болот

"Суусамыр" командасынын эсебине 1 упай жазылды

Командада бирөө улакты алып качса, аны атаандаш оюнчулардан коргоп, тай казанга чейин жеткирүү ошол командадагы башка оюнчунун милдети. Бул жерде да бири-бирин колдоп бара жатат

Мындай учурда утуш аты мыкты, билеги жоон оюнчу тарапта болот

Аттар тер алып, балбандардын дене-бою жазылып, оюн кызып калган учур

Тай казандын жанында минтип ээрден шыпырылып түшүүлөр көп болот

Улакты такымга баскан балбан тай казанды көздөй чаап баратат...

Топту жарып кирген күлүктүн жардамы менен балбан жерде жаткан улакты эңип алууда

Алгачкы кооптуу учурду "Кожомкул" командасынын оюнчулары жаратты

Көк бөрүнүн күйөрмандары көп экенин бул кадр айгинелейт

Улак тартыш чү дегенде эле кызуу башталды. Улакчылар күү менен талаа четине чейин чыгып кетип жатышты

Президенттин Кубогу үчүн "Суусамыр" (көк форма) жана "Кожомкул" (сары форма) командаларынын таймашы башталды

31-август, 2013-жыл. Президенттин Кубогу үчүн өткөн көк бөрү мелдешинин финалдык оюунуна ат майданды даярдоо

Бүгүн, 31-августта Бишкектеги "Аккула" ат майданында КРнын Президентинин Кубогуна арналган көк бөрү мелдешинин финалы болуп өттү. Анда "Кожомкул" жана "Суусамыр" командалары улак тартышты. Жыйынтыгында 6:2 эсеби менен "Суусамыр" командасы жеңүүчү болуп, 1 миллион сомду илип кетти.

2-орун - "Кожомкул" командасы, байгеси 600 000 сом

3-орун - "Бөрүлү" командасы, байгеси 400 000 сом

4-орун - "Талас" командасы, байгеси 150 000 сом

5-орун - "Тынай-Суусамыр жаштар" командасы, байгеси 80 000 сом

6-орун - "Бүркүт" командасы, байгеси 50 000 сом

7-орун - "Кара-Балта" командасы, байгеси 35 000 сом.

Иш-чаранын жыйынтыгында сыйлыкты команда капитандарына Президенттик аппараттын башчысы Данияр Нарымбаев тапшырды. Мелдеш учурунда лотерея да ойнотулуп, аягында №0010836 билетинин ээси Максат аттуу жаран башкы сыйлык Хонда Фит автоунаасын утуп алды.

"Суусамыр" командасынын курамы жана минген аттарынын кличкалары төмөндө (көк форма):

1. Нурмамбет Койчукеев, команда капитаны. Минген күлүгү - Лексус.

2. Кубаныч Султан уулу, күлүгү - Байтур

3. Тыныч Алыбаев, күлүгү - Мырзатору

4. Тилек Мукаев, күлүгү - Соң-Көл

5. Нурбек Юсупов, күлүгү - Холдинг

6. Айбек Иманалиев, күлүгү - Махно

7. Аскат Аскаров, күлүгү - Роналдо

8. Мирлан Рысалиев, күлүгү - Граф

9. Азат Насыпбеков, күлүгү - Айтумар

10. Эрмек Шекитов, күлүгү - Эрке тору

11. Азат Бейшеналиев, күлүгү - Бумер