"Пинин жашоосу", "Инферно" жана башка көптөгөн тасмаларга тартылган актёр Ирфан Хан көз жумду

Белгилүү индиялык актёр Ирфан Хан каза болду. Бул тууралуу чет элдик маалымат каражаттары жазып чыгышты.

Маалыматка ылайык, актёр Мумбаиде 54 жаш курагында көз жумган. Ал эмнеден улам каза болгондугу тууралуу ачык айтылган эмес.

2018-жылы актёр дарыгерлер андан нейроэндокринникалык шишик тапканын жана ал Лондондо дарылануудан өткөнүн айткан.

Ирфан Хан "Пинин жашоосу", "Жаңы жөргөмүш адам", "Менин кымбаттуу Мумбаим", "Инферно", "Аскер", "Нью-Йорк" жана башка көптөгөн белгилүү тасмаларга тартылган.

Автор: Айзада Тураркулова