Орусиялык ырчы Полина Гагарина күйөөсү менен ажырашканы белгилүү болду

Белгилүү орусиялык ырчы Полина Гагарина күйөөсү, сүрөтчү Дмитрий Исхаков менен ажырашканы белгилүү болду. Бул тууралуу орус басылмалары жазып чыгышты.

Маалыматка ылайык, жубайлар 6 жыл чогуу жашашкан. Акыркы 3 айдан бери эки башка жашап жаткандары белгилүү болгон.

Бирок алар расмий түрдө ажыраша элек. Түгөйлөр бул маалыматты тактаган да, төгүндөгөн да эмес.

Гагарина жана Исхаков 2013-жылы таанышкан, бир жыл өтпөй баш кошушкан. Үч жылдан кийин алар Мия аттуу кыздуу болушкан.

Гагаринаны биринчи никеси актёр Пётр Кисловдон Андрей аттуу уулу да бар.

Автор: Айзада Тураркулова