Атамбаевдин баласы: "Шофёр" атамдын эң жакшы көргөн баласы болчу"

"Шофёр" атамдын эң жакшы көргөн баласы болчу" деп мурдагы президент Алмазбек Атамбаевдин уулу Сейтек Атамбаев журналисттердин бирине интервью берип жатып билдирди.

"Бул Икрамжан Илмиянов. Ушул киши менен ал эң көп убакытты өткөрдү. Бул чындык. Биз менен жакшылык, жамандыктарда жолукчу. Ошол кезде убакыт болсо кээ бир саясатта болуп жаткан окуяларды айтып калчумун. Тамашага салып кабыл алчу. Маанайы жаман болсо кагып салчу.

Атамдын эң таасирдүү досу өзүнүн партиясындагы фракциянын лидери (ред. Иса Өмүркулов) болчу. Ошол кишиге канча жардам берди. Түрмөдөн да куткарып калды. Азыр бир жерден окудум, ал Атамбаевдин убагында куугунтук жегенин айтып жатат. Анын айткан сөздөрү калп", - деди Сейтек Атамбаев.

Автор: Жылдыз Джускембаева