1 миллион 600 миң сомду алып, изин жашырып кеткен. Бишкекте 19 жаштагы кыз алдамчылыкка шектелип кармалды

Бишкекте 19 жаштагы кыз алдамчылыкка шектелип кармалды. Ал белгисиз жарандын ишенимине кирип, 1 миллион 615 миң 900 сомун алып, изин жашырып кеткен. Бул тууралуу Биринчи Май РИИБинин маалымат кызматынан кабарлашты.

Маалым болгондой, 8-июнь күнү жабырлануучу аял милиция кызматкерлерине жардам сурап кайрылган. Анда бир кыз менен бир бала өздөрүн "Форекс" биржалык компаниясынын кызматкерлерибиз деп тааныштырып, жабырлануучуга акча каражатынан пайда табууну убадалашкан.

"Компания кызматкерибиз деген жарандар жабырлануучуга акча каражатынан 40-50 пайыз киреше табууга мүмкүн экенин айтышып, терминал аркылуу 1 миллион 615 миң 900 сом алып, изин жашырып кетишкен. Бул факты Кылмыштардын жана жоруктардын бирдиктүү реестрине 204-берене (алдамчылык) менен катталып, сотко чейинки өндүрүш иши ачылган.

Ыкчам тергө иштеринин жүрүшүндө шектүү делинген 2001-жылы туулган А.Б. аттуу кыз кармалып, Бишкек ШИИББинин убактылуу кармоочу жайына киргизилген. Ал эми окуя болгон учурда шектүү менен бирге жүргөн жигит Т.М. экени белгилүү болду. Ал иштен күбө катары өтүп жатат, тергөө иштеринин жыйынтыгына ылайык анын иш-аракетине юридикалык баа берилет.

Биринчи Май райондук соту 11-июнда 19 жаштагы кызга карата СИЗО-1ге 2 айга камакка алуу чечимин чыгарды. Учурда шектүүнүн мындан башка дагы кылмыш иштерине катыштыгы бар же жок экендигин аныктоо боюнча амалдар жүргүзүлүүдө", - дешти маалымат кызматынан.

Эгерде сүрөттөгү жарандан жабыркагандар болсо же ал тууралуу кошумча маалымат билгендер болсо, төмөнкү номерлерге байланышып коюуну милиция кызматкерлери өтүнөт.

Байланыш номерлери: 0 (312) 56-32-48, 0(550) 10-23-60, 0(501) 10-21-02, 0(706) 10- 21-02), 0(707) 71-71-14) же 102.

Автор: Бактыгүл Момбекова

12:04 12-06-2020

Жазылуу

РУБРИКАДАГЫ СОҢКУ КАБАРЛАР

10:02 2025-06-08 | Түркүн дүйнө

Индияда тик учак унаа жолуна конууга аргасыз болду (видео) 2 0

09:49 2025-06-08 | Түркүн дүйнө

Ак үйдө мушташ болгон... Илон Масктын көзүнүн көгөрүшү эмнеден улам болгону айтылды 142 0

09:26 2025-06-08 | Түркүн дүйнө

Филипп Киркоров дарылануудан соң эл алдына чыкты (видео) 191 0

18:16 2025-06-07 | Түркүн дүйнө

Франциянын президенти Макрон Трамп коркутуп келген арал өлкөсүнө барат 1754 0

17:56 2025-06-07 | Түркүн дүйнө

Масктын компаниясы менен кызматташуудан баш тартуу Пентагон үчүн көйгөйлөрдү жаратат 1550 0

17:46 2025-06-07 | Кылмыштар, кырсыктар

Кантта оор жүк ташуучу унаа бир кишини сүзүп кеткени айтылууда (видео) 1787 0

Архив

Комментарийлер (10)

Patirot

2020-06-12 12:11:18

Бетин жаап койсо ким тааныйт

rola

2020-06-12 12:16:02

19 жашында элдерди алдап акчасын алса,келечеги кандай болоор экен.Алданган аялда кызык экен.

+10

taalay25

2020-06-12 13:42:38

rola,булардын устундо накта карышкырлар турат

souza.j

2020-06-12 12:24:17

Жыгылсан нардан жыгыл буйласын кармай жыгыл.

Gabiku

2020-06-12 12:42:41

Ушундай кичинекей малыштарга Ким ошончо акчаны ишенет, тушунбоймун

Erik2018

2020-06-12 12:48:29

молодец саясатчы болчуу кыз экен

bond02

2020-06-12 12:59:28

Азыркы адамдарда напси жок да, алдаткан аял да 1 млн 3млн кыла коеюун деген го.

Sakubek

2020-06-12 14:11:26

Бермет деген кыз го

Aika1988

2020-06-12 15:43:51

Мындай шылуундар коп азыр.Ар кандай компания сунуштап алдагандар.Инстаграммда да бар бироо синдим алданды бирок жакшы 1000с салган Инстаграммдан алдаган Адам 5000с салсан эки кундо 10мин чыгат деген экен синдим менде 1000с эле бар десе анда он мин сом аласыз деп салдырткан.

Aidar151080

2020-06-13 11:40:05

Чын айтсаң ишенбейт, калп айтсаң ишенген заман болду го.
Мен миллион эмес 200 миң сом эч кимден ала албай койдум.

Комментарий калтыруу үчүн өз ысымыңыз менен кириңиз же каттоодон өтүңүз.