Аксыда дарыяга түшүп кеткен 17 жаштагы баланы издөө иштери туугандары тарабынан токтотулду

Жалал-Абадда Нарын дарыясына түшүп кеткен 17 жаштагы баланы издөө иштери токтотулду. Иш-чара сууга түшүп кетти делинген жарандын жакындарынын уруксаты менен токтотулганын ӨКМнын басма сөз кызматынан кабарлашты.

14-июнь күнү Аксы районунун Үч-Коргон айыл аймагынын Кум айылында Нарын дарыясына 2003-жылы туулган бала түшүп кеткендиги маалымдалган.

"15-16-июнь күндөрү куткаруучулар издөө иш-чараларын жүргүзүшүп, натыйжа болгон эмес. Издөө иштерине жалпы 14 куткаруучу, жергиликтүү тургундардан 25 адам тартылган. Баланын туугандары ыраазычылык кат жазышып, издөө иш-чаралары токтотулду", - деп кабарлашты мекеменин маалымат кызматынан.

Автор: Бактыгүл Момбекова
Фото: ӨКМнын басма сөз кызматы