"Ала качууну пропаганда кылган" деп сынга кабылган жарнамалык ролик. Сценарийдин автору актёр Азамат Исмаилов эч кандай үгүттөө болбогонун айтат

Социалдык тармакка козу грилди жарнамалаган ролик жарыяланып, кыска тасма талкууга алынды. Анда интернет колдонуучулардын айрымдары "ала качууга үгүттөп жатат" дешсе, айрымдары тамашалуу ролик болгонун айтышып, эки жаатка бөлүндү.

Видео актёр Азамат Исмаилов жана компания тарабынан социалдык тармакка жүктөлүп, кызуу талкууга алынгандан кийин өчүрүлгөн. Видео жана анын өчүрүлүшү боюнча Азамат Исмаиловго байланыштык.

"Бул жарнамалык ролик талкууга алынгандан кийин компаниядан азырынча социалдык тармактан өчүрө туралы дешти. Роликтин сценарийин мен жазгам. Анда ала качууга үгүттөө жана башка жоруктарды жасоого чакырык ташталган эмес. Бизде илгертен бери эле ала качуу болуп келген, жакшы жер болсо кыздарын калтырып кеткен учурлар деле болгон да. Ролик сарказм менен тартылган. Туура кабыл алып, жакшы пикирлерин калтыргандар көп болуп жатат. Ал эми ала качууну пропаганда кылдыңар дегендер үчүнчү жактар болсо керек", - дейт актёр.

Интернет айдыңына желдей тарап жаткан роликте жигит жаңы эле таанышкан кызын ала качып кетет. Атасы уулунун бул кылганы туура эмес экенин айтып, болор иш болду деп болочоктогу кудаларын көндүрүүгө аракет кыларын билдирет. Кызын алып кетем деген атасы козу грилдин даамын татып көргөндөн кийин куда болууга макул болот.

Автор: Бактыгүл Момбекова

12:16 18-06-2020

Жазылуу

РУБРИКАДАГЫ СОҢКУ КАБАРЛАР

08:51 2025-05-07 | Коом жана турмуш

"Япониядагы жашоом тууралуу кино тарткым келет" дейт Күн Чыгыш өлкөсүндө эмгектенген Каныкей (маек) 1622 0

18:52 2025-05-06 | Саясат

Садыр Жапаров Ала-Арча паркында эл менен жолукту (видео) 1991 0

18:32 2025-05-06 | Коом жана турмуш

Бүгүн кечинде Бишкектин айрым көчөлөрү жабылат. Себеби 1010 0

18:13 2025-05-06 | Коом жана турмуш

7-майда Жибек Жолу проспектинин жабылган бөлүгү ачылат 767 0

18:06 2025-05-06 | Кылмыштар, кырсыктар

Гүлчө дарыясына агып кеткен кыздын сөөгү табылды 1891 0

17:25 2025-05-06 | Коом жана турмуш

Чүйдө мыйзамсыз соода-сатыкка каршы рейд жүрүүдө (видео) 838 0

Архив

Комментарийлер (12)

Muslim1990

2020-06-18 12:48:28

Пропаганда кылды дегендер анык кыргыздын наркын,салтын билбегендер.
Кыскасы өзүлөрүн кыйын сезген,типа аялзатына күйүмүш болуп ортодон от чыгаргысы келген бир чимкирик түлкүлөр.

Siren90

2020-06-18 13:49:32

Бул роликтен эч кандай кыз ала качууга үгүттөөнү көргөн жокмун, козу грилди жакшы рекламалашыптыр деп койгом алгач фейсбуктан көргөндө

elebes86

2020-06-18 13:50:02

Азыр кыргыздын ушул сыяктуу эски салттарын, диний тушунукторду пропаганда кылган роликтерге тыюуу салуу керек. Салтты, диний догмаларды бекем карманган мамлекетте эч качан озгоруу болбойт. Азамат Исмаилов элдин баарын өзүндөй ойлобош керек. Ар бир адамдын бул жашоодо оз максаты бар.

-2

bond02

2020-06-18 13:57:22

Туура эле тартылган, ала качуу ата бабадан келген салт.

erlan2196

2020-06-18 13:59:55

Салтка, динге берилип жашаган адам эч качан келечекти карагысы келбейт, салтчыл, динчил адамдар дайыма өтүп кеткен адамдардын жашоосу менен гана ой жүгүртө алат. Ошондой адамдар жана эл эч качан алдыга карай жылбайт.

-3

Tyty1990

2020-06-18 15:47:01

erlan2196,дин жөнүндө сөз болгон жок каапырым.

Bakbai

2020-06-19 00:38:07

erlan2196,дайыма эле ушинтип тантып эле журот экенсин да динден айлангыр манкурт

erlan2196

2020-06-18 14:25:26

Салтчыл адам келечеке карай пессимист болушат, а бирок өтүп кеткен 1 кылымдык жашоого оптимист менен карап жашашат.

-7

Omar.

2020-06-19 11:37:48

erlan2196, сенин оюңда кандай жашаш керек?

Aimani

2020-06-18 15:18:12

Жашоо ушундай да. Жакшы устукан менен алданып калып кыздарын калтырып коюшат

Puper-pup

2020-06-18 15:42:01

Биздин аянычтуу жашообуз. Реклама кылгысы келсе башка идеяны алса болсок. Жаккан жок,ичимде кызын алып кетет деп отургам. Тытсанар тытып жегиле бирок ала качууну минтип видеого аралаштырып еще устукан учун алданып калтырып кетти деген начар реклама. Азамат жагат,чыгармачылыгын сыйлайм

-1

taalay25

2020-06-18 16:36:22

Прикол,

Комментарий калтыруу үчүн өз ысымыңыз менен кириңиз же каттоодон өтүңүз.