Кыргыз улуттук консерваториясынын ректорлугуна сынак жарыяланды

Калый Молдобасанов атындагы Кыргыз улуттук консерваториясынын жетекчиси кызматына сынак жарыяланды. Бул тууралуу билим берүү жана илим министрлиги маалымдайт.

Анда талапкерлерди каттоо жана алардын документтерин кабыл алуу 2-июль саат 17:00гө чейин жүргүзүлөрү эскертилет.

Консерваториянын жетекчиси кызматына талапкерлерди каттоо үчүн уюштуруу комитетине төмөнкү документтер тапшырылат:

• ЖОЖдун окуу жана түзүмдүк бөлүмдөрүнүн жетекчиликке талапкерди көрсөтүү жөнүндө чечими;

• талапкердин өзүнүн арызы (өзүн-өзү көрсөтүү тартибинде катталган талапкерлер үчүн);

• талапкердин фамилиясы, аты, туулган жылы, иштеген жери, ээлеген кызматы жана жашаган жери көрсөтүлгөн биографиялык маалыматтар;

• Кыргыз өлкөсүнүн “Билим берүү жөнүндө» мыйзамынын 38-беренесине ылайык, мамлекеттик жогорку окуу жайлардын жетекчиси кызматына талапкерге коюулучу талапты ырастаган тиешелүү документтер.

Арыздар (ага тиркелген документтер) төмөндөгү дарек боюнча кабыл алынат: Бишкек шаары, Жантөшев көчөсү 115, байланыш номери: 57-02-25, 57-95-02, conservatoria93@mail.ru

Аталган окуу жайдын ректору композитор, педагог, коомдук ишмер Муратбек Бегалиев.

Автор: Бактыгүл Султаналиева