Күйөөсү моюнуна дөңгөлөк асып, аялын чапкылаган окуя боюнча соттун өкүмү чыкты. Айыпталуучу эркиндикке бошотулду

Сузакта күйөөсү аялынын моюнуна дөңгөлөк асып, бетине чапкылаган окуя боюнча жүрүп жаткан соттук иши соңуна чыкты. Анда айыпталуучу эркиндигинен ажыратуу жазасын өтөөдөн бошотулган. Бул тууралуу маалыматты Жалал-Абад облустук сотунун басма сөз кызматынан билдиришти.

Ага ылайык, Сузак райондук сотунун 2020-жылдын 2-июлундагы өкүмү менен жабырлануучунун берген тосмо арызын, пробация органдын берген баяндамасын эске алып, Б.З. аттуу айыпталуучу Жазык кодексинин 144-беренесинин 2-бөлүгүнүн 2-пункту ("уруп-согуп кыйноо") менен күнөөлүү деп табылып, 4 жылга эркиндигинен ажыратылган.

Айыпталуучу Жазык кодексинин 83-беренесинин негизинде 2 жыл пробациялык көзөмөлдү колдонуу менен эркиндигинен ажыратуу жазасын өтөөдөн бошотулган.

Пробация - Айыпталып жаткан жана күнөөлүү деп табылган адамдын сыноо мөөнөткө эркиндикке бошотулушу. Аларды атайын органдар көзөмөлдөйт. Кыргыз өлкөсүндө пробация укук бузууларды жасоосунун алдын алууга, аларга социалдык көмөк көрсөтүүгө жана аларга карата кайра социалдаштыруу боюнча чараларды көрүүгө багытталган программа катары колдонулуп келет.

Айыпталуучуга карата тандалган камакка алуу түрүндөгү бөгөт коюу чарасы өзгөртүлүп, өкүм мыйзамдуу күчүнө киргенге чейин бөгөт коюу чарасы катары үй камак түрү тандалсын деп көрсөтүлгөн.

Окуянын чоо-жайы:

12-июнда Фейсбук тармагына эркек кишинин аялды жазалап жаткандагы видеосу тараган. Кийинчерээк, окуя 8-июнь күнү Сузак районундагы айылдардын биринде орун алганы облустук ички иштер бөлүмү тарабынан белгилүү болгон. Анда 51 жаштагы Б.З. үйүндө 47 жаштагы М.Д. аттуу аялынын моюнуна дөңгөлөк байлап, чакалап суу чачкан. Окуя боюнча М.Д. 11-июнь күнү Сузак РИИБине арызданган. Бул окуя Сузак РИИБинин Кылмыштардын жана жоруктардын бирдиктүү реестрине Жоруктар жөнүндө кодексинин 75-беренеси "Үй-бүлөдөгү зомбулук" менен катталып, тиешелүү материалдар топтолгон соң Жазык кодексинин 144-беренеси (Уруп-согуп кыйноо) болуп өзгөртүлгөн. Күйөөсү 11-июнда саат 18:00 чамаларда Сузак РИИБинин убактылуу кармоочу жайына киргизилген.

Автор: Бактыгүл Султаналиева

17:57 02-07-2020

Жазылуу

РУБРИКАДАГЫ СОҢКУ КАБАРЛАР

10:02 2025-06-08 | Түркүн дүйнө

Индияда тик учак унаа жолуна конууга аргасыз болду (видео) 2 0

09:49 2025-06-08 | Түркүн дүйнө

Ак үйдө мушташ болгон... Илон Масктын көзүнүн көгөрүшү эмнеден улам болгону айтылды 142 0

09:26 2025-06-08 | Түркүн дүйнө

Филипп Киркоров дарылануудан соң эл алдына чыкты (видео) 191 0

18:16 2025-06-07 | Түркүн дүйнө

Франциянын президенти Макрон Трамп коркутуп келген арал өлкөсүнө барат 1754 0

17:56 2025-06-07 | Түркүн дүйнө

Масктын компаниясы менен кызматташуудан баш тартуу Пентагон үчүн көйгөйлөрдү жаратат 1550 0

17:46 2025-06-07 | Кылмыштар, кырсыктар

Кантта оор жүк ташуучу унаа бир кишини сүзүп кеткени айтылууда (видео) 1787 0

Архив

Комментарийлер (5)

-adam

2020-07-02 21:18:40

Камап салыш кк болчу ,башкаларга да сабак болот эле

Arstan18.18

2020-07-02 21:20:37

Эмнеге бошотосунар? Факт турса аялы кечирседеле кылмыш кылдыго! Башка эркектерда кайталайт! Бурул Арунованы куйоосунода чара колдонбойт дегенида бул!

vikidiki

2020-07-02 23:44:28

Биз да келесообуз ушуларга ишенген. Адам өлтүргөн адамдарды бошотуп жиберип жатышат. "Уруп сабоо"беренеси кеп бекен буларга?

katerina.li

2020-07-03 01:26:19

Пробациянар менен куруп калгыла. Африканын Бир олкосу болуп калдык

Taalaibek.

2020-07-03 09:56:18

Бул "Эшек" озунун куносун турмодо отоп келип, анан чыкса "Эркек" болмок. "Эшек" эле бойдон калыпсын! А бул "Эшек" тин аялы мыкты экен. Куйоосун "Эшек" кылып чыгарып алыптыр. Кандай боорукер "Айым"! Бул "Айым" ды Аллахым колдосун!

Комментарий калтыруу үчүн өз ысымыңыз менен кириңиз же каттоодон өтүңүз.