"Red Petroleum" май куюучу жайлар тармагы Covid-19 илдети менен күрөшүүгө жардам берди

"Red Petroleum" май куюучу жайлар тармагы Covid-19 илдети менен күрөшүү үчүн Кыргыз Республикасынын Саламаттыкты сактоо министрлигин 10 миң литр күйүүчү май менен камсыз кылды.

"Биз дарыгерлерибизге жардам беребиз" урааны менен өлкөнүн камкор тургундары жана компаниялары Кыргызстанда COVID-19 вирусунун таралышына каршы күрөшүүдө жана пневмония менен ооругандарды дарылоодо ар тараптуу жардам көрсөтүлүүдө.

Учурда медициналык кызматкерлердин жана "Тез жардам" унааларынын, медициналык кызматкерлердин мобилдүү топторунун кыймылы өзгөчө актуалдуу болууда. Мындан улам “Red Petroleum” май куюучу жайлар тармагы Кыргыз Республикасынын Саламаттыкты сактоо министрлигинин муктаждыктары үчүн 10 миң литр күйүүчү май менен камсыз кылды.

Азыркы тапта эпидемиологиялык кырдаал менен каршы күрөштүн негизги органы Саламаттыкты сактоо министрлиги. Алар оорулуулар менен иштөөнүн бүткүл оорчулугун, медициналык кызматкерлердин жетишсиздигин моюнуна алып, компания күнү-түнү иштеп жаткан Саламаттыкты сактоо министрлигине жана региондордо медициналык жайларга даректүү жардам берүүнү колго алды.

Учурда жардам берүүнү каалаган адамдар жана компаниялар ыктыярдуу топторду түзүп, биригип, медициналык кызматкерлерге жана жөнөкөй жарандарга мүмкүн болушунча жардам беришүүдө. Ал эми биздин компания жардамды борборлоштуруу максатында Кыргыз Республикасынын Саламаттыкты сактоо министрлигине жардам көрсөтөт.

Өлкөгө өзгөчө кырдаал жана өзгөчө абал киргизилген күндөн тарта "Red Petroleum" коронавирустук инфекциянын андан ары жайылышына жол бербөө, ошондой эле коопсуздукту камсыз кылуу менен алектенген башка мамлекеттик органдар тарабынан 40 миң литр күйүүчү майды тараткан. Компания Саламаттыкты сактоо министрлигинин май куюучу жайларды дезинфекциялоо, санитария жана гигиена боюнча талаптарына толук жооп берет.

Автор: Айсалкын Качкынбекова