Ысык-Көлгө эс алуу үчүн дарыгерлердин кезектеги тобу жөнөп кетти

Коронавирус инфециясына каршы күрөшкөн дарыгерлердин кезектеги тобу Ысык-Көл облусуна эс алуу үчүн жөнөп кетишти. Бул тууралуу саламаттыкты сактоо министрлигинин басма сөз кызматынан билдиришти.

Билдирүүгө ылайык, Бишкек шарындагы ооруканаларда иштеген 182 медицина кызматкери Ысык-Көл облусундагы "Алтын Жай" пансионатына реабилитациялык өргүүгө кетишти. Алар жети күн эс алып, ден соолугун калыбына келтиришет.

Саламаттыкты сактоо министрлиги өкмөт COVID-19 жана пневмония менен жабыркаган, инфекция очокторунда иштеген медицина кызматкерлеринин ден соолугун калыбына келтирүү максатында Ысык-Көлдөгү пансионаттарга эс алуу уюштуруп жаткандыгын эскертти.

Автор: Азат Бейшенбеков