Коронавируска каршы натыйжалуу иштешкен. Орусиядан Ошко келген дарыгерлер тобу мекенине учуп кетишти

Ошко келген орусиялык дарыгерлер тобу мекенине кетишти. Бул тууралуу Ош шаардык мэриясынан билдиришти. Малыматка ылайык, аларга Ош шаарынын мэри Таалайбек Сарыбашовдун атынан ыраазычылык билдирилип, атайын белектер берилген.

"Вице-мэр Эмил Шадыханов Орусиядан келген дарыгерлер коронавируска каршы күрөштө жардам бергенин жана тажрыйба алмашуу натыйжалуу болгонун билдирди. Дарыгерлер шаардагы изоляцияларда иштешкен", - деп айтылат маалыматта.

16 медицина кызматкерлеринен турган дарыгерлер тобу 24-июлда Оштогу коронвирус менен ооругандарга жардам берүү үчүн келишкен.

Автор: Гүлшат Ысамамат кызы