Эртең Бишкек шаарынын айрым райондорунда таза суу берүү токтотулат (тизме)

Эртең, 20-августта Бишкек шаарынын айрым райондорунда куруу-оңдоо иштерине байланыштуу саат 9:00дөн 21:00гө чейин таза суу берүү токтотулат. Бул тууралуу мэриянын басма сөз кызматынан билдиришти.

Маалыматка ылайык, Сүйөркулов–Тыныстанов–Ахунбаев- "Ала-Арча" суусу, Радищев, Лев Толстой–Жукеев-Пудовкин, Элебесов–Медеров, Жукеев-Пудовкин– Ахунбаев, Элебесов–Байтик Баатыр көчөлөрү чектешкен жерде таза суу берүү токтотулат.

Суу менен камсыз кылуу боюнча көйгөйлөр жаралса "Бишкексууканал" башкармалыгынын төмөнкү байланыш номерлерине чалыңыздар:

"Бишкексууканал" башкармалыгынын борбордук диспетчердик кызматы: 56-03-20;

Ички үйлөрдүн түйүндөрү боюнча кайрылуулар үчүн байланыш: 54-42-45, 54-42-44;

"Шаарсууөткөрүү" башкармалыгы тышкы түйүндөр боюнча кайрылууларды кабыл алат: 44-95-97;

Көйгөйлөрдү сүрөттөрү менен "Бишкексууканал" башкармалыгынын 0770 838458 WhatsApp номерине жиберсеңиздер болот.

Автор: Азат Бейшенбеков