Жаңы окуу жылында өлкө боюнча 156 миң бала 1-класска барат

Быйылкы жаңы окуу жылында өлкө боюнча 156 миң бала 1-класска барат. Бул тууралуу Билим берүү жана илим министрлигинин басма сөз кызматынан билдирди.

"Пандемия учурунда түзүлгөн кырдаалга байланыштуу жаңы окуу жылында 1-класстар гана салттуу режимде билим ала баштайт. Алардын саны - 156 миң 430. 1-класстарды окутууда тиешелүү санитардык эрежелерди сактоо боюнча Билим берүү жана илим министрлиги Саламаттыкты сактоо министрлиги менен биргеликте мектептер үчүн алгоритм иштеп чыгышты", - деп билдирди министрликтен.

Эгерде класста окуучулардын саны көп болсо, алар эки топко бөлүштүрүлөт жана шахматтык тартипте отургузулат. Мектептерде бардык санитардык нормалар сакталат.

Автор: Азат Бейшенбеков