Сузакта бир үй-бүлөнүн 3 баласы тилемчилик кылып жүргөн жеринен кармалды

Сузак районунун аймагында жайкы эс алуу учурунда өспүрүмдөр кылмыш кылып, селсаяктык, тилемчилик менен алектенишин болтурбоо максатында "Тилемчи" аталышындагы ыкчам алдын алуу иш-чарасында бир үй-бүлөнүн 3 баласы тилемчилик кылып жүргөн жеринен кармалды. Бул тууралуу облустук милициядан билдиришти.

Иш-чаранын жүрүшүндө Сузак районундагы тургунунун 17-августтан бери үйүнөн чыгып кетип, тилемчилик кылып жүргөн 3 баласы табылып, ата-энесине өткөрүп берилди.

Ошону менен катар бул үй-бүлөнүн абалы боюнча райондук социалдык жактан коргоо мекемесине балдарына жардам алуу боюнча сунуш жөнөтүлдү. Сузак РИИБинин кызматкерлери тарабынан бул багытта алдын алуу жана түшндүрүү иштери дагы да болсо үзгүлтүксүз жүргүзүлө бермекчи.

Автор: Айсалкын Качкынбекова