Бишкекте 1-сентябрдан баштап кызыл "Тулпар" карталарын берген пункттардын бири жабылат

1-сентябрдан тарта жеңилдиктер каралган категориядагы жарандар үчүн чыгарылган кызыл "Тулпар" жеңилдик картасынын Бишкек шаардык троллейбус башкармалыгындагы пункту жабылат. Бул тууралуу Бишкек шаарынын мэриясынан билдиришти.

Калган пункттарда - райондук акимчиликтерде кызыл карталар мурункудай эле бериле бермекчи.

"Тулпар" кызыл картасын төмөнкү даректерден алса болот:

Ленин райондук администрациясы – Чүй кең көчөсү, 315 (Фучик көчөсү менен кесилишет);
Октябрь райондук администрациясы – Байтик Баатыр көчөсү, 17 (Медеров көчөсү менен кесилишет);
Свердлов райондук администрациясы – Чүй кең көчөсү, 28 (7-апрель көчөсү менен кесилишет);
Биринчи Май райондук администрациясы – Жибек Жолу кең көчөсү, 348 (Логвиненко көчөсү менен кесилишет).

Ал эми көк карталарды автобус-троллейбустун айдоочуларынан жана уюлдук операторлордун кеңселеринен алууга болот.

Автор: Айжанар Рыспек кызы