Премьер-министр: "Өлкө боюнча 99 пайыз мектеп интернетке туташтырылган"

Өлкө боюнча 2 миң 292 мектептин 99 пайызы интернетке туташтырылган. Бул тууралуу бүгүн, 25-августта премьер-министр Кубатбек Боронов онлайн маалымат жыйынында билдирди.

Анын айтымында, 9 мектепти интернетке кошуу боюнча иштер аткарылып жатат. "Санарип Кыргызстан" программасынын "Акылдуу мектеп" компонентинин алкагында электрондук күндөлүк, электрондук китепкана, электрондук мугалим, электрондук окутуу багытында иштер жүрүүдө. Ошондой эле Азия өнүктүрүү банкы аркылуу 10 мектептин химия, биология, физика кабинеттерин заманбап лабораториялык (электрондук) жабдуулар менен камтуу боюнча иштери башталды", - деди премьер-министр .

Автор: Жылдыз Джускембаева