Кышка камылга. "Тазалык" муниципалдык ишканасы кышка даярдыктарды көрүүдө

"Тазалык" муниципалдык ишканасы шаардын көчөлөрүнө жана тротуарларына себүү үчүн туз камдап жатат. Бул тууралуу Бишкек шаардык мэриясынын басма сөз кызматынан билдиришти.

Маалыматка ылайык, күз-кыш мезгилинде тазалоо иштери 1-ноябрдан баштап март айынын башында жыйынтыкталат.

"25-августка карата ишкананын кампасында 1 миң 216 тонна туз бар, анын ичинен 543 тонна жакында алынды, 673 тонна өткөн жылдан калган туз. Кыш мезгилине 6 миң 500 тонна туз даярдоо пландалууда. Жолдорду кардан жана муздан 26 бирдик атайын техника тазалайт", - деп жазылат маалыматта.

Белгилей кетсек, күз-кыш мезгилиндеги тазалоо иштери Бишкек шаарынын көрктөндүрүү эрежелеринин талаптарына ылайык жүргүзүлөт.

Автор: Айжанар Рыспек кызы