“Дордой” АФК Президентинин Кубогуна аттанууда

Бүгүн, 18-сентябрда футбол боюнча Кыргызстандын чемпиону “Дордой” клубу Малайзиянын Малакка шаарына АФКнын (Азия футбол конфедерациясы) Президентинин Кубогунун финалдык бөлүгүндө ойноо үчүн аттанууда. “Дордой” биринчи беттешин 23-сентябрь күнү пакистандык “КРЛ” клубуна каршы ойноо менен баштайт. Эске салсак, АФКнын Президентинин финалдык бөлүгүндө 6 команда үч-үчтөн 2 тайпага бөлүнгөн. “Дордой” “В” тайпада “КРЛ” (Пакистан), Хилал Ал-Кудс (Палестина) командалары менен беттешет. Ал эми “А” тайпасында непалдык «Три Старз», монголиялык "Эрчим" жана түркмөнстандык "Балкан" клубдары оюн өткөрүшөт.

“Дордой” мелдешке төмөнкү курам менен катышат:

Дарбазачылар: Павел Матяш, Максим Зинченко.

Коргоочулар: Даврон Аскаров, Тэго, Мустафа Юсупов, Адыл Бекболотов, Арий Элайджа, Марат Ажыниязов.

Жарым коргоочулар: Вадим Харченко, Каюмжан Шарипов, Турсуналы Рустамов, Авазбек Откеев, Курсант Шератов, Ислам Шамшиев.

Чабуулчулар: Мирлан Мурзаев, Дэвид Тетте.

Автор: Айбала Эргешов