Кыргызстандык теннисчи Ксения Палкина Түркияда өтүп жаткан эл аралык мелдеште жарым финалга чыкты

Кыргызстандык теннисчи Ксения Палкина Түркиянын Анталия шаарында 16-22-сентябрь аралыгында өтүп жаткан эл аралык мелдеште жупта ойноодо израилдик Дениз Хазанюк менен бирге жарым финалга жолдомо алды. Бул тууралуу Эл аралык теннис федерациясы маалымдайт. Ушул эле мелдештин жалгыз ойноо бөлүгүндө да Ксения Палкина экинчи жеңишине жетип, чейрек финалга өттү. Жалпысынан аталган мелдештин алкагында Ксения Палкина 4-жеңишине жетти. Эске салсак, Ксения Палкина жупта ойноодо 2013-жылы Анталияда буга чейин өткөн эки мелдешти жеңип алган.

Мелдештин жалгыз ойноо бөлүгү

1/16 финал

Ксения Палкина (Кыргызстан) 6:2, 6:3 Николета-Каталина Даскалу (Румыния)

1/8 финал

Ксения Палкина (Кыргызстан) 5:7, 6:2, 6:4 Камонван Буаямга (Таиланд)

Чейрек финал

Ксения Палкина (Кыргызстан) – Каролина Пиллот (Италия)

Жупта ойноо бөлүгү

1/8 финал

Ксения Палкина (Кыргызстан), Дениз Хазанюк (Израиль) 6:0, 6:0 Мария Богданова (Орусия), Таня Нори (АКШ)

Чейрек финал

Ксения Палкина (Кыргызстан), Дениз Хазанюк (Израиль) 6:2, 6:2 Юля Люса (Украина), Настасия Рубел (Беларусь)