Өлкөнүн үч спортчусуна "Эл аралык класстагы спорт чебери" деген наам ыйгарылды

Өлкөнүн 3 спортчусуна "Кыргыз Республикасынын эл аралык класстагы спорт чебери" наамы ыйгарылды. Бул тууралуу Жаштар иштери, дене тарбия жана спорт мамлекеттик агенттигинен маалымдашты.

Жаштар иштери, дене тарбия жана спорт боюнча мамлекеттик агенттигинин коллегиясынын токтомуна ылайык, "Кыргыз Республикасынын эл аралык класстагы спорт чебери" наамы төмөнкү спортчуларга ыйгарылды:

• Сыймык Алымкулов. 2000-жылы төрөлгөн, спорттун түрү – бел боо күрөшү (классикалык стили);

• Нурсултан Мелис уулу, 1994-жылы төрөлгөн, спорттун түрү – бел боо күрөшү (классикалык стили);

• Манас Усонов, 1995-жылы төрөлгөн, спорттун түрү – бел боо күрөшү (эркин стили).

Автор: Бактыгүл Султаналиева