Кыргызстандык спортчулар катышып жаткан шахмат боюнча Дүйнө чемпиондугунда 10-тур жыйынтыкталды

Мелдешке катышып жаткан кыргызстандык спортчулар

Түркиянын Коджаэли шаарында өтүп жактан шахмат боюнча 20 жашка чейинки жаштар арасындагы Дүйнө чемпиондугунда 10-тур жыйынтыкталды. 10-турда эркектер арасында кыргызстандык Жохар Жанбай уулу индиялык Самир Катмалени жеңип, жалпы упайын 5ке жеткирди. Бул жыйынтыгы менен Жохар Жанбай уулу 118 катышуучунун арасынан 58-орунга көтөрүлдү. Ал эми кыздар арасында Айжан Алымбай кызы да жеңишке жетип, 4,5 упай менен 77 катышуучудан 53-орунду ээлесе, Айжаркын Шынгыс кызы 10-турда мексикалык спортчу менен тең чыгып, 3 упайы менен 71-орунда. Эске салсак, ар бир спортчу Дүйнө чемпиондугунун алкагында 13 беттеш өткөрөт. Дагы 3-турдан кийин мелдеш жыйынтыкталат.

Автор: Айбала Эргешов