Садыр Жапаров экс-президент Сооронбай Жээнбеков жөнүндө жарлыкка кол койду

Кыргыз Республикасынын президентинин милдетин аткаруучу Садыр Жапаров Кыргыз Республикасынын экс-президенти Сооронбай Жээнбеков жөнүндө жарлыкка кол койду. Бул тууралуу өкмөттөн билдиришти.

"Кыргыз Республикасынын президентинин ишмердигинин кепилдиктери жана "Кыргыз Республикасынын экс-президентинин макамы жөнүндө» Кыргыз Республикасынын мыйзамына ылайык, Кыргыз Республикасынын экс-президентине мыйзам тарабынан каралган бардык ченемдер сакталат. Аталган жарлык кол коюлган учурдан тарта күчүнө кирет", - деп айтылат маалыматта.

Автор: Гүлшат Ысамамат кызы