Жаштар иштери, дене тарбия жана спорт боюнча мамлекеттик агенттиктин директору болуп Канат Шабданбаев дайындалды

Жаштар иштери, дене тарбия жана спорт боюнча мамлекеттик агенттиктин директору болуп Шабданбаев Канат Кеңешович дайындалды. Тийиштүү буйрукка премьер-министр Садыр Жапаров кол койгонун өкмөттүн басма сөз кызматынан кабарлашты.

Канат Шабданбаев 1982-жылы Ысык-Көл облусунун Түп районуна караштуу Талды-Суу айылында төрөлгөн. Жогорку юридикалык билимдин ээси.

- 2019-жылы ардагерлер арасында өткөн грек-рим күрөшү боюнча Дүйнө чемпиондугунун коло медалынын ээси;

- Ардагерлер күрөш федерациясынын президенти;

- Грек-рим күрөшү боюнча эл аралык класстагы спорт чебери, спорттун "Кулатуу" түрү боюнча чебери;

- Грек-рим күрөшү боюнча Кыргыз Республикасынын ардагерлеринин арасында чемпиону;

- Дене тарбия жана спорттун отличниги.

Эмгек жолу:

- 2006-2007-жылы Ички иштер министрлигинин ички аскерлигинде ыкчам кызматында;

- 2007-2014-жылдары "ЕвроСтройКонтракт" ЖЧКсынын директору;

- 2014-2017-жылдары "Марат жана Партнёрлор" компаниясында юрист;

- 2017-2020-жылдары Жаштар иштери, дене тарбия жана спорт мамлекеттик агенттигинин алдындагы "Спорт объекттерин башкаруу жана спортту колдоо" мамлекеттик мекемесинин директору.

Автор: Бактыгүл Момбекова